কেছ টু বিজয় (খণ্ড: ১৩)

সিদিনা বিজয়ে বাটতে মোক লগ পাই বোলে আপুনি সদায় মোৰ বেয়াবোৰকে লিখি থাকে, কেতিয়াবা মোৰ টেলেন্টবোৰো লিখিবচোন৷ মই বোলো ঠিক আছে দে লিখিম৷ টেলেন্টৰ কথা কওঁতে মনত পৰিল তাৰ ভয়ত সৰুতে মাষ্টৰো পলাইছিল৷

এতিয়াও বিজয়ৰ লগত লগা লগি হয় বুলি অংক মাষ্টৰজন তাৰ ঘৰৰ আগ ফালেদি নাযায়৷ বিজয়ৰ ভয়ত সেইটো ৰাষ্টাই এৰি দিলে৷
সৰুতে মাষ্টৰজনে বিজয়ক যোগ অংক শিকাইছিল ৷ বোলে বিজয় ৭ য়ে ৫ য়ে ১২, বিজয়ে বোলে কেনেকৈ? মাষ্টৰে বোলে ধৰ তোৰ তাত ৭ টা মাৰ্বল আছে, সোনটোৱে তোক আৰু ৫ টা দিলে, মুঠতে কেইটা হ'ব? বিজয়ে বহুপৰ ভাবি বোলে সি আকৌ মোক মাৰ্বল কিয় দিব, ওলোটা সিহে মোৰ পৰা ধাৰলৈ লয়৷ মাষ্টৰে বোলে বাৰু মাৰ্বল বাদ দে তোৰ তাত ৭ টকা আছে আৰু মই তোক ৫ টকা দিলো, এতিয়া তোৰ তাত কিমান হ'ব? সি ক'লে প্ৰথমে ৫ টকা দিয়ক আকৌ তেতিয়া কম৷ উপাই নাপাই মাস্টৰে পাচ টকা দি বোলে কিমান হ'ব? সি বোলে ৫ টকা৷ মাষ্টৰে বোলে তোৰ তাত থকা ৭ টকাটো যোগ কৰ৷ বিজয়ে বোলে মোৰ হাতত ৭ টকা থাকিলেহে৷ ৭ টকাটো দিয়ক তাৰ পিচত হিচাপ কৰিম৷ শুনামতে মাষ্টৰজনে বিজয়ক যোগ অংক শিকাওতে দৰমহাৰ আধা টকা শেষ কৰিলে৷ তেতিয়াৰে পৰা বিজয়ক কোনেও একে একে কিমানো নুশুধা হ'ল৷

এইবাৰ পাল পৰিল অসমীয়া শিকোৱা বাইদেউ গৰাকীৰ৷ আ কাৰ ও কাৰ শিকাব নোৱাৰি বোলে তেখেত বেলেগ বিদ্যালয়লৈ বিজয়ৰ বাবেই ট্ৰেঞ্চফাৰ ল'লে৷ বাইদেউৱে শিকাইছিল খত আ কাৰে খা, লত ও কাৰে লো....খালো৷ বিজয়ে কমেও দেৰমাহ চেষ্টা কৰি আ কাৰ ডাল শিকিলো কিন্তু বাইদেউৱে পকাত মূৰ মাৰিও ও কাৰ ডাল নোৱাৰিলেগৈ৷ এতিয়াও বিজয়ক যদি কোনোবাই সুধে ভাত খালিনে সি খাল ও কয়৷ দিল ও, ৰুল ও, বহিল ও কয়৷

হেড মাষ্টৰে হিন্দী শিক্ষকক বোলে থানেশ্বৰ অলপ চাবা দেই , তোমাক স্কুলৰ পৰা হেৰুৱাবলৈ মোৰ মন নাই৷ তাতে তোমাৰ বয়সো হৈছে, এই বয়সত ষ্ট'ক মাৰিলে ৰিকভাৰি চাঞ্চো কম৷ বিজয়ক হিন্দী নিশিকোৱাই ভাল নেকি? থানেশ্বৰ মাষ্টৰে বোলে হয় বিজয়ে হিন্দী শিকিব নহলে মই তাৰ পৰা শিকিম৷ হেড মাষ্টৰে বোলে তোমাৰ ইচ্চা, মই হ'লে এতিয়াও তাক ইংৰাজী শিকাবলৈ ভয় কৰো৷ সিদিনা চুটি খুজি হেডমাষ্টৰলৈ লিখিব দিয়া দৰ্খাষ্টখনৰ প্ৰথম চাৰি লাইন পঢ়ি ৰাতিলৈ গৈ মোৰ ১০৪ জ্বৰ৷

টু দ্যা হেড মাষ্টৰ
বিষয়: চুটি খুজি এপ্লিকেশ্যন
চাৰ,
টেক মাই হনাৰ টু টেল ইউ দেট ইউ উইল চাফাৰিং ফ্ৰম ডিচেন্টিৰী ফ্ৰম টুমৰ'৷ ডেয়াৰফৰ চাৰ ডন্ট কাম টু স্কুল৷ চাৰ নিড লিভ ফৰ টু ডেজ৷ থেংক ইউ

ইউৰ
ৰেচপেক্টেড ষ্টুডেন্ট
বিজয় মহন্ত

হিন্দী শিক্ষকে বোলে ইয়াক লিখাব নোৱাৰিলেও ক'বলৈ শিকাম৷ এই বুলি বহুদিন শিকাই বুজাই হেডমাষ্টৰৰ ওচৰত বিজয়ক লৈ গৈ বোলে চাৰ ইয়াক হিন্দী সুধক৷

হেড মাষ্টৰে বৰ আগ্ৰহৰে বোলে বিজয় তুম্হাৰা নাম কিয়া হে?

বিজয়ে বোলে তুম্হাৰা নাম বিজয় হে৷ বিজয় এক আটচা লৰকা হে৷

হেড চাৰে বোলে পিছৰখিনি নকলেও হ'ব৷

বিজয়ে বোলে পিছা না কৰনে চে ভি হৌগা৷

হেড চাৰে বোলে তুম্হাৰা ঘৰ কাহা হে৷

বিজয়: তুম্হাৰা ঘৰ তিতাবৰ মে হে৷

হেডচাৰে বোলে তিতাবৰ কা কৌন চি জগহ মে?

বিজয় বহুপৰ ৰ'ল৷
ৰৈ বোলে "তুম্হাৰা যোৰহাট মে কিটনা চাল হ'তা হে যে তিতাবৰ নেহি চিনতা হে৷ সেই যে ঠেঙ্গাল ভৱন হে, ওচকে ওপৰ চে থৌৰা আগে যা কে বাও হাতে মুৰ নেকে বাদ এক পুখুৰি আয়েগা৷ পুখুৰি পাৰ কৰকে অলপ দুৰ যা কে যৌ শিমলুগছ গজটা হে ওচকে কিনাৰ মে হি মেৰা ঘৰ আয়েগা৷

শুনামতে সেইদিনা হিন্দী মাষ্টৰে আ কৈ মুখমেলি বেহুছ হোৱা হেডমাষ্টৰক বহুপৰ বিছনিৰে বিছি মেলি হুছ আনিছিল৷
**********