বিজয়ৰ কলেজৰ দিনৰ কাহিনী৷ ক্লাচলৈ যাওঁতে সদায় বিজয়ে হাতত হেলমেটটো ভৰাই লৈ যায়৷ এদিন লগৰ এটাই সুধিলে বোলে তোৰ দেখোন বাইক নায়েই হেলমেটডালনো কিয় লৈ আহ? বিজয়ে বোলে তই নুবুজিবি৷
ৰ' তোক কাহিনী আকাৰে বুজাও৷ এবাৰ হাবিত এজন মানুহে প্ৰাতঃ ক্ৰিয়া কৰি আছিল৷ এনেতে বাঘ এটা আহি আগত হাজিৰ৷ মানুহটোৰ লগত বন্দুক আছিল পিছে গুলি নাছিল৷ তথাপি মানুহটোৱে বাঘক বন্দুকটো দেখালে৷ বাঘে বন্দুক দেখি পলাল৷ পিছদিনা আকৌ মানুহটোৱে গুলি নিলে পিছে বন্দুক নিবলৈ পাহৰিলে৷ বাঘ আকৌ আগত হাজিৰ৷ মানুহটোৱে গুলিটোকে বাঘক দেখালে৷ বাঘে ভাবিলে বন্দুকৰ গুলি আছে যেতিয়া বন্দুকো নিশ্চয় আছে৷ গতিকে বাঘ পলাল৷ পিছদিনা আকৌ মানুহটোৱে গুলী বন্দুক দুইটা পাহৰিলে৷ বাঘে আগত ৰৈ বোলে বেটা আজি কত যাবি৷ মানুহটোও বিজয়ৰ দৰে ষ্মাৰ্ট, পকেটৰ পৰা বন্দুকৰ লাইচেঞ্চখন উলিয়াই বাঘক দেখালে৷ বাঘে বন্দুকৰ লাইচেঞ্চ দেখি ভাবিলে লাইচেঞ্চ আছে যেতিয়া বন্দুকো আছে, গতিকে পলাল৷
এতিয়া মোৰ ক্ষেত্ৰটো কেচ টু তেনেকুৱাই৷ আৰে য়াৰ হেলমেটটো দেখিলে গম পাব না যে মোৰ বাইক আছে৷ লগৰটোৱে বোলে ছা ভাই ছোৱালী হয়, বাঘ নহয়৷ ছোৱালীমানুহ বাঘতকৈও স্মাৰ্ট৷ যদি কেনেবাকৈ কোনোবা ছোৱালীয়ে বাইকত তোক ঘৰত থৈ আহিব কয় তেতিয়া কি কৰিবি? বিজয়ে বোলে কাচ.......সেইটো দিনৰ অপেক্ষাতে আছো দৌষ্ট৷ যদি মনে বিছৰা কোনোবাই কয় তই আছ নহয়, তোৰ বাইকতে তেল ভৰাই নি থৈ আহিম আৰু যদি মোৰ প্ৰপজেল ইয়েছ কৰে তেতিয়া বাইক এখন কিনি লম৷ আৰু যি কেইগৰাকীক মই প্ৰেমৰ টেণ্ডাৰ পেলাইছো সকলোৱে মোৰ বাইক আছে বুলি এনেই জানেও৷ লগৰটোৱে বোলে কেনেকৈ?
বিজয়ে কাগজৰ টুকুৰা এটা লগৰ টোক দি বোলে সুঙি ছা৷ লগৰটোৱে বোলে এইখন কি? বিজয়ে বোলে লাভ লেটাৰ৷ লগৰটোৱে বোলে লোকৰ প্ৰেম পত্ৰত পাৰফিউমৰ গোন্ধ পাও, এইখন দেখোন কিবা পেট্ৰল পেট্ৰল হে গোন্ধাইছে৷ বিজয়ে বোলে কথা সেইটোৱেই৷ পেট্ৰল অকন নিজে লগাই দিছো, তেতিয়াহে মোৰ বাইক আছে বুলি গম পাব৷
লগৰটোৱে মুৰে কপালে হাত দি বোলে তই বাইক আছে বুলি যে হেলমেট হাতত লৈ দেখাও, প্ৰেম পত্ৰত পেট্ৰল সানি দেখাও, তাতকৈ বাইক এখন কিনিনো দুপাক ঘুৰি দেখাই নিদিয় কেলৈ৷ বিজয়ে বোলে চা দৌষ্ট...."ইনভেষ্টমেন্ট আৰ চাবজেক্টেড টু মাৰ্কেট ৰিস্ক"৷
মাৰ্কেটত বাইকৱালা ধেৰ আছে৷ কিন্তু কেইটাৰ বাইকৰ পিছত ছোৱালী বহা দেখিছ? বাইকত ইনভেষ্ট কৰি লিটাৰে লিটাৰে তেল পুৰি যদি এজনীও বাইকৰ পিছত উঠাব নোৱাৰো মোৰ ইনভেষ্টমেন্ট দেখোন এনেই যাব? তাতকৈ এগৰাকী ফাইনেল কৰি লও তাৰ পিছত বাইকত ইনভেষ্ট কৰিম৷ তেতিয়ালৈ হেলমেট, চাবিৰ ৰিং আৰু পেট্ৰলৰ গোন্ধৰেই পলিচি বেছিম, আই মিন প্ৰপজেল মাৰিম৷
ইফালে সিফালে চাই দেখে লগৰটোৰ মুৰটো বিজয়ৰ শ্ৰীচৰণত৷
*********
No comments:
Post a Comment