সীতাৰামৰ ফেচবুক

কানৰ কাষৰ চুলি কেইডাল যেই উৰিব লাগিল, আৰু
পিচ ফালৰ কেইডাল কেঁকুৰা কেঁকুৰি হৈ ভাওনাৰ
ভাৱৰিয়াৰ মুকুটৰ পিচফালে লাগি থকা চুলি কেইডালৰ দৰে ওলমিবলৈ লাগিল মই বোলো এই কথাই কথা নহয়, সীতাৰামৰ দ্বাৰা গুৰি চপায় কটাই
লোৱাই ভাল ।কথামতে কাম, গৈ বহি দিলো সীতাৰামৰ ওখ চকি খনত ।
সীতাৰামে বোলে চকীয়াবাবু আজকলটো আপনি
ফেচবুকত দে ধনা ধন কাহানি কে কাহানি লিখি আছে ।মই বোলো তই কেনেকৈ জানিলি ?
খৈনি খিনি মুখত ভৰাই সি ক’লে, হামৰাভি একাউন্ট
আছে না ।
মই বোলো তই ফেচবুকত কি কৰ’ ?
সি ক’লে চকীয়াবাবু জমানা বহুত চলনি হৈ গ’ল,
আজকল পেপাৰ উপাৰত নিউজ পঢ়ি কুচ লাভ নাই আছে , ফেচবুক মে চব চে আগে খবৰ আহি যাই ৷ টিভি নিউজকাটো কথাই নাই ক’হিব, চিৰিয়েল মাফিক
মুজিক দি কেনে একতা কথা চিল্লাই চিল্লাই দচ
বাৰ ক’হিব, চুন চুন, হামাৰ নিউজ চুন৷ উনচেটো
আটছা হামাৰ ফেচবুক আছে, গ’হাটি মে ভুকম্প
আহিব টো তেজপুৰ পহিচনে চে পহিলে পহিলে ফেচবুকমে পাই যাব কি “ভুকম্প আগেল’ হ’,আৰু কিচ কা ঘৰ মে চুড়াকৰন হে, মুণ্ডন হে চব টাজা খবৰ পাই যাও না ।অউৰ চুল কে ডিজাইন কোন চা মাৰকেটমে চলি আছে ফেচবুকমে ফটো দেখি কিনে চমজি যাও ৷ টেকন’লজি আছে ভাই ইচটেমাল
কৰিব লাগে ৷ মই বোলো বাহ দুনিয়া বাহ, বাৰু
সীতাৰাম তই মোৰ কাহানি লিখা কথা কেনেকৈ
জানিলি ? সি বোলে হাৰে আপনি কি মানুচ আছে হ’?
দু মহিনা পহিলেটো আপনিয়ে মোক ফ্ৰেন্দ ৰিকুৱেষ্ট
ভেজিছিল । মই ভেবালাগি মুৰটো বেকা কৰি
তাৰ ফালে চালো, সি আকৌ জোৰৰে মোৰ মুৰটো
চিধা কৰি চুলি কতাত লাগিল ।মইবোলো কিন্ত মোৰ কোনো সীতাৰাম বুলি বন্ধু নাই । সিক’লে অ’ চেই কথা…. আপনি হামনিকে ধৰিবনাই পৰা ৷ অই যে একটা ছোৱালী ফুল লৈ কিনে দিয়া
পষ্টাৰটো ( প্ৰফাইল পিকচাৰ) আছে, “চুইট ৰিয়া”,
সেইটো টো হামনিয়েই হয় । একটা দষ্ট বনাই দিছে । হামি ইমান কহিছে কি ভাই লড়কি কে ফটো
কিয় দিছ’ আৰু দিছ দিছ ভাই হামাৰ সীতাৰাম নাম দে,…. সি কহিছে কি...... লড়কি কে ফটো না দিলে আৰু তোৰ সীতাৰাম নাপিত নাম দিলে তোৰ মাইকি ভি
তোক অংগুঠা (লাইক) নাই মাৰিব, তেতিয়া তই
চমজিভি । মৰদ হৈ কিনে ফেচবুকমে ঔৰত বনি হামনিকে পহিলে পহিলে অলপ খাৰাব ভি
লাগিছিল ৷ মৰদ বোৰ মচেজ কি মচেজ দি থাকে, হামনিকে বহুত খাৰাব খাৰাব ইচাৰা ভি কৰে ৷ আই লাভ ইউ কহে, পৰন্ত বাদ মে দেখিলো বহুত
আটচা আচে, এক দিন বৰুৱা কে ছোতা ৱালা লড়কা
হামনিকে আই লাভ ইউ কহিছিল, ঘৰ মে গৈ কিনে কানকে নিছে এ বৰা বৰা দুটা দিছো নহয়
চকীয়া বাবু, হমনিকে বোলে বাবাকে মেহনত কৰি পোৱা হাজাৰ ৰুপিয়া ম’বাইলকা ই ইস্টেমাল কৰিছ ?
মইও তাৰ কথা শুনি অলপ পেটেপেটে ভয় খালো ।অসমীয়াত কবিতা লিখি লিখি ইমান “চুইট ৰিয়া”ক
টেগাই থাকো, উত্তৰ নোপোৱাৰ কাৰনটো আজিহে
গ’ম পালো ।তাৰ কেচি খন আনি তাৰেই চুলিকেইডাল গুৰিতে কাটি দিব মন গৈছিল পিছে তাৰ আগতেই তাৰকথা
খিনিৰেই মোৰ নাকটো কটা গ’ল৷ বাকী থকা নাকটো
মোহাৰি মই ক’লো মই নহয় অ’ টোৰ ভৌজিয়ে
ছোৱালী বুলি তোলৈ ৰিকুৱেস্ট পঠাইছিল চাগৈ
আৰু তেঁওৱেই কবিতা লিখি প’ষ্ট কৰে মোৰ
একাউন্টত । সি বোলে ঝুথ কিয় কয় চকীয়া বাবু ভৌজি কবিতা উবিতা ভাল ন পাই, হামনিকে জানেটো ৷ মোৰঅউৰ একটা “এচ. ৰাম” নাম কে মৰদৱালা
একাউন্ট আচিল পহিলে পহিলে, , ভৌজি হামাৰ ফ্রেন্ড আছিলটো, একবাৰ একটা ইংলিছ মে লিখা কবিতা লাল গোলাপকে চাথ ভৌজিক দিছিলো, ইটনা গালি দিলে, ইটনা গালি দিলে, হামনি উচ দিন
চে আজটক অ’ একাউন্টইস্টেমাল কৰা নাই ।বাদ মে কই হামনিকে ব’লা কি উচদিন জৱান লড়কা লড়কিকা কই ট্যহাৰ থা । মই বোলো কটা নিধক, শ্ৰীমতিক ভেলেন্টাইন ডেট প্ৰপজ দিয়া মানে তইয়েই আছিলি সেইতো????? আৰু মই যি জনী গাভৰুৰ ফটো চাই কবিতা লিখিলো সেইজনীও তইয়েই …ফেচবুকত লগত লগত এটা স্টেটাচ আপডেট কৰিলো “সকলো ধুনীয়া ছোৱালী সীতা নহয় সীতাৰামও হব পাৰে" ……..
*********