আকৌ আহিল নহয় ঘিটিং কৈ নটিফিকেশ্চনটো৷ চুইট ৰিয়া ইজ লাইভ নাও৷ মেহ অন ভেজ মাৰ্কেটিং৷ চালো হয়, যোৱাবাৰ পাচলি বজাৰতগৈ ফেচবুক লাইভ কৰা গৰাকীয়েই৷
ৰ'ব দেই ডাৰ্ক হৈ আছে বুলি কৈ বিভিন্ন এংগ'লত কেমেৰাটোৰ লগতে নিজেও দুপাক ঘুৰি এজেগাত কেমেৰা ৰখালে৷
আজি মম নাই, চ' ভেজ নিব মই আহিছো৷
স্ক্ৰীনত দেখিলো বুঢ়া আঙুলী কমেন্ট লালপান সকলো ধাৰাষাৰে বৰষিব লাগিছে৷ মইও বুঢ়া আঙুলি এটা টিপা মাৰি দিলো৷
এই ফুলকবিটো গ্ৰীন কালাৰ যে?
বাইদেউ এইটো ব্ৰকলী৷ ব্ৰয়লাৰ কবি
হ'ব৷ জানো মই৷ তিনিটা পেক কৰি দিয়া আৰু ইয়াৰে শাক তিনিমুঠি দিয়া৷
বাইদেউ শাক নহয় ধনীয়া পাত৷
স্ক্ৰীনত কমেন্ট "চুইটি গ্ৰীন শাক খোৱা ভাল, ভিটামিন বাঢ়িব৷
পাকখাই থকা এইবোৰ কি?
উৰহী বাইদেউ৷
চিধা চিধা চাই পাক নোখোৱাটো এক পোৱা দিয়া৷
মুলা দিম নেকি বাইদেউ?
মুলা কোনটো? ৷এই হোৱাইট হাতী দাঁত নিচিনাটো নে? এই ফেডেড কালাৰটো নালাগে পিংক কালাৰৰ মুলা আছে যদি দিয়া৷
স্ক্ৰীনত কমেন্ট " প্লিজ জানু, মুলা নলবা, গেচ হ'ব৷
ইয়ে....এই পিয়াজবোৰৰ পাত গজি গ'ল দেখোন? গজালী ওলোৱা ইমান পুৰনী পিয়াজ বিক্ৰী কৰিছা? পাত বোৰ এৰুৱাই ৱান পোৱা দিয়া৷ ফেচবুকত পাইছো অনিয়নৰ বহুত দাম হৈছে বোলে৷
ইফালে ৰঙাপান, বুঢ়া আঙুলী দৌৰি আছে৷ এটাই কমেন্ট দিছে, বাপৰে তুমি পিয়াজ কিনিছা? বহুত ধনী মানুহ দেই তুমি৷
দাদা, লাওটোত কিয় চূন সানি থৈছে?
লাও নহয় বাইদেউ, আমি এইটোক কোমোৰা বুলি কওঁ৷
অকে অকে আধা কেজি দিয়ক৷
বাইদেউ এইটা গোটাকে বিক্ৰী হয়৷ গোটেইটো নিয়ক৷
ইয়ে, ন' ৱে এইডাল কেনেকৈ ডাঙিম৷ মোৰ স্কুটিত নাযাব এইডাল৷ সৰু চাইজৰ ভেজ হে নিম৷
ভিডিঅ' পজ৷
No comments:
Post a Comment