প্ৰেম নজমেহে নজমে (অষ্টম খণ্ড)

এইচা জখম দিয়া হে জৌ না কভি ভৰেগা
হৰ হচি চেহৰে চে অব ইয়ে দিল ডৰেগা
হম তৌ জান দেকৰ ইউহি মৰ মিতে থে
চুন লৌ এ হচিনৌ, ইয়ে হমচে অব না হৌগা
এইচা জখম দিয়া হে.....

মোৰ মন মগজুত অকলে হম অকেলে তুম চিনেমাৰ এই গীতটো উদিত নাৰায়নে চিঞৰি চিঞৰি গাব ধৰিলে৷ যাক ইমানদিনে মনৰ মাজত মৰমৰে জীপাল কৰি ৰাখিছিলো, যাৰ ভালপোৱাত প্ৰতিটো উশাহ, প্ৰতিটো চকুৰ পলক জপাই দেখিছিলো সেই গৰাকীয়ে মোৰ বন্ধুৰ ওচৰত মোৰ প্ৰেমক প্ৰত্যাখ্যান কৰাত গোটেই পৃথিৱীখন যেন মোৰ পৰা আতৰি গৈ মোক অকলসৰীয়া কৰি পেলালে তেনে লাগিছিল৷

Why did you break my heart
Why did we fall in love?
Why did you go away, away, away
দিল মেৰা চুৰায়া কিউ
জব ইয়ে দিল তৌৰনা হি থা
হমচে দিল লগায়া কিউ
হমচে মুহ মৌৰনা হি থা
Why did you break my heart.....

কলেজৰ কেন্টিনৰ ষ্টেৰিঅ'টোত গীতটো মোৰ বাবেই বাজি থকাযেন লাগিল৷ স্কুটাৰখন কিক মাৰিলোহি৷ এবাৰ দুবাৰ তিনিবাৰ...তাৰ পিচত গনিবলৈ বাদ দিলো৷ পুৰণি বাজাজ স্কুটাৰ৷ দুবাৰমান বেকা কৰি ষ্টেণ্ড কৰি লৈ উধাই মুধাই কিক মাৰিলো৷ নাই ষ্টাৰ্ট হোৱাৰ নামেই নলয়৷ প্লাকটো চাফা কৰিবলৈ বনেটখন খুলি ল'লো৷ দেখিলো প্লাক চাফাই আছে৷ তেতিয়াহে মনত পৰিল তেল দেখোন দুদিনমান ভৰোৱাই নাই৷ তেল ভৰাবলৈ দেউতাৰ পৰা অনা পইচাৰে কলেজত লগৰবোৰক খোৱালো, নিজেও খালো৷ তেলৰ টেংকিৰ সাঁফৰখন খুলি পিছৰ চিটটো অলৰ ডাঙি দুইটা চিটৰ মাজৰে মূৰটো যেন তেন ভৰাই লৈ এটা চকুৰে টেংকিটো জুমি চালো৷ নাই এফোটা তেলো নাই৷ ইফালে সিফালে কোনোবা লগৰ দেখো নেকি চাব লওতেই দেখিলো অলপ আগতে মোৰ বন্ধুৰ দ্বাৰা দিয়া মোৰ প্ৰেমৰ প্ৰস্তাবক প্ৰত্যাখ্যান কৰা গৰাকী হাঁহি হাঁহি লগৰ এজনীৰ লগত হোষ্টেলৰ ফালৰ পৰা আহি আছে৷ অলপ আগতে এজনৰ অন্তৰ ভাঙি, এতিয়া হাঁহি হাঁহি বতাহত ছুলি উৰুৱাই আহি আছে৷ অলপ খঙো উঠিল৷ পিছে মনতে ভাবিলো, অলপ সময়ৰ আগলৈকে এইটো হাঁহিৰ বাবেই পগলা আছিলো, কিন্তু মোৰ প্ৰেম প্ৰত্যাক্ষ্যান কৰাৰ পিছমুহুৰ্ত্বতে বাৰু এই হাঁহিটো দেখি মোৰ কিয় খঙ উঠিছে?

দিল চিৰ কে দেখ তেৰা হি নাম হৌগা
তেৰি ৱফা তেৰি চদা তেৰা পয়াম হৌগা
আজ ভৰি মেহফিল মে কৌই বদনাম হৌগা
ইচ দিল মে কেইচি বেকৰাৰি হে তু কিয়া জানে... তু কিয়া জানে?
উলফট কে আগে দুনিয়া হাৰি হে তু কিয়া জানে....তু কিয়া জানে?
ইউ দিল তৌৰ দেনা মোহব্বত নেহি
মোহব্বত হে চাহত, তিজাৰত নেহি, তিজাৰত নেহি
টুতে মেৰে ইচ দিল মে ইন্টেকাম হৌগা
তেৰি ৱফা তেৰি চদা তেৰা পয়াম হৌগা

মন গৈছিল তাইৰ কাষত গৈ সুধিবৰ বাবে কিয় মোৰ ভালপোৱাক ভৰিৰে মোহাৰি পেলালে? কিন্তু মনতে ভাবিলো যিটো মানুহে নিজে গৈ তাইক ভাল পাও বুলি কবলৈ সাহ নহল এতিয়া কোনখন মুখৰে তাইক গৈ সুধোগৈ যে মোক কিয়নো ভাল নোপোৱা৷ স্কুটাৰখন ঠেলি ঠেলি ওচৰৰে ধনুৱা নগৰ তেল ডিপোটোলৈ আগবাঢ়ি গ'লো৷ অলপ আগুৱাই গৈ আকৌ এবাৰ পিছলৈ ঘুৰি তাইক চাব মন গ'ল৷ ঘুৰি চাই দেখো তাই কলেজৰ গেটত লগৰজনিৰ লগত ৰৈ কথা পাতিও আছে আৰু মোৰ ফালে চাইও আছে৷ খুৱ ফু্ৰ্টি চাগৈ মোক আজি এনে অৱস্থাত দেখা পাই৷ তেল ভৰাই স্কুটাৰখন লৰাই বগৰাই খঙতে জোৰত দহটামান কিক মাৰিলো৷ স্কুটাৰখনেও নেগুৰত গচক পৰা কুকুৰৰ দৰে ঘেং ঘেংকৈ মাতদি ষ্টাৰ্ট হ'ল৷

ইয়ে দিল
দিৱানা
দিৱানে নে মুঝক' ভি আহ কৰ ডালা
দিৱানা
মেইনে উচকে চহৰকৌ চৌৰা
উচকি গলি মে দিলকৌ তৌৰা
ফিৰ ভি চিনে মে ধৰকতা হে ইয়ে দিল
মেইনে দিল চে উচে নিকালা
জ' না কৰনা থা কৰ ডালা
ফিৰ ভি য়াদ উচিকৌ কৰতা হে ইয়ে দিল

কলেজৰ ৰাষ্টাটোৰে নাযাও৷ তাইৰ আগেদি আৰু কেতিয়াও নাযাও৷ সেই ৰাষ্টা চিৰদিনৰ বাবে বাদ দিলো বুলি মনতে নিজকে নিজে কৈ আন এটা ৰাষ্টাৰে ঘৰলৈ বুলি বাট ল'লো৷ কিছুদুৰ যোৱাৰ পিছত কিয় নাজানো মনতে ভাবিব ধৰিলো তাই বাৰু মোক স্কুটাৰ ঠেলি নিয়া কিয় চাই আছিল, কিবা ক'ব খুজিছিল নেকি এইবোৰ ভাবিব ধৰি পুনৰ স্কুটাৰ কলেজৰ ফালে ঘুৰালো৷

তেৰে ডৰ পে চনম চলে আয়ে
তু না আয়া ত' হম চলে আয়ে
চলে আয়ে, চলে আয়ে
বিন তেৰে কৌই আচ ভি না ৰহি
ইতনে তৰচে কে প্যাচ ভি না ৰহি
লৰখৰায়ে কদম চলে আয়ে

দুৰৈৰ পৰা দেখিলো তাই অকলেই ৰৈ আছে৷ আগলে যাও নাযাও ভাবি থাকোতেই স্কুটাৰখন আগবাঢ়ি গৈ থাকিল৷ ওচৰ পোৱাৰ লগে লগে কিয় নাজানো হয়তো অভিমানত স্কুটাৰৰ গতি বঢ়াই দিলো৷

জিত...

কোনোবাই পিছফালৰ পৰা মতা শুনিলো৷ হয় তাইয়েই মাতিছে৷ কিয় নাজানো অভিমান পলকতে নাইকীয়া হৈ অজানিতে আনন্দৰ হাঁহি এটা সুলকি পৰিল৷ দেহাৰ সমষ্ট শক্তিৰে ব্ৰেক ডাল গৰকি দিলো৷ কেৰেক পেৰেককৈ অলপ আগতগৈ স্কুটাৰখন ৰখিলগৈ৷ পিছলৈ চাই দেখিলো তাই মোৰফালে আহি আছে....
তেল শেষ হৈছিল? তাইৰ প্ৰশ্ন৷ মই মূৰ দুপিয়ালো৷
টাউনৰ ফালে যাবা? মোৰ মূখৰ পৰা যাম বুলি নভৱাকৈয়ে ওলায় গ'ল৷
তাই পিছৰ চিটত বহিল৷
ইমানপৰ ষ্টাৰ্টহৈ থকা স্কুটাৰখনৰ ষ্টাৰ্ট বন্ধ তেতিয়াহে হবলৈ পালে৷ প্ৰচণ্ড খং এটা উঠি আহিছিল কিন্তু তাইৰ ফালে চকু যোৱাত খং নিমিষতে নাইকীয়া হৈ গ'ল৷ যেন তেন ষ্টাৰ্ট হোৱাত তাইক বঢ়াই টাউনৰ ফালে আগবাঢ়িলো৷ স্কুটাৰত এনেও দুই চিটৰ মাজত এমাইল মান দুৰত্ব, তথাপি লক্ষ্য ৰাখিলো যাতে গাত গা নালাগে, বেয়াও পাব পাৰে৷

তোমাৰ লগৰজনক যে অথনি ফিজিক্সৰ নোট বিছাৰি পঠাইছিলা, নিজে খুজিবলৈ লাজ লাগে নেকি? তাই হঠাতে মাত দিলে

ফিজিক্সৰ নোটচ??সিটো মোৰ হৈ প্ৰপজেল দিবহে গৈছিল৷ হে প্ৰভু মানে সি এইবোৰ একো নকলে৷ আৰু মোৰ হৈ প্ৰপ'জেল দিলো বুলি পৰঠা ৰসগোল্লা ডবাই গ'ল.......
*********