আচাম বন্ধ বাই সীতাৰাম.......(ৰস ৰছনা)

:::::আচাম বন্ধ বাই সীতাৰাম:::::

সীতাৰামে সিদিনা চুলি কাটি থাকোতে আচৰিত প্ৰশ্ন এটা কৰিলে । বোলে চকীয়া বাবু পহিলে পহিলে আচাম বন্ধ মানে পুৰা আচাম বন্ধ হৈছিল । ৮৩/৯৩ ৰ কথা কহিছু, আজকল আচাম বন্ধ হ’লে আপনি ফিৰ ফোন ঘুমাই কিনে মানে বুটাম টিপিকেনে সুধিব লাগিব “ভাই কোন খন অচম বন্ধ আছে হ’” ? কতিয়াবা কতিয়াবাটো আপনি আধা ৰাষ্টাৰ পৰাই ফিৰি আহিব লাগিব, বোলে “আগত আচাম বন্ধ আছে” । হাৰে ভাই হামি ট’ আচামৰ পৰাই আহি আছো, আগত ফিৰ কোনখন আচাম আছে ? হামনিকেটো কনফিউচড হৈ যাঁও ভাই কি কোনখন অচম আছে আৰু কোনখন অচম নাই আছে ।

পহিলে যেতিয়া অচম বন্ধ দিয়ে পুলিচ আহি কেনে দোকানকে তলা ভাঙিছে, দোকানী কহে কি ভাই অচম বন্ধ আছে হামি মৰি গ’লে ভি দোকান নাই খুলিব, আৰু আজকল বাইকমে ১০ -১২ লড়কা আহি ক’ব এই দোকানী তলা বন্ধ ক’ৰ হামি অচম বন্ধ দিছো ত’হত নাজান’ নেকি ?পহিলে যেতিয়া অচমীয়া আন্দোলন কৰিছে চিহঁত পৈদাই হোৱা নাচিল, চিহঁতৰ পিতাজি হামাক কহিছে কি হাতত মসাল লৈ কিনে প্ৰতিবাদ কৰিচিলে,জেল যাব লগা হ’লেভি গৈছিল, পুলিচকে মাৰ খাইচিল, মানুচ ছহিদ হৈছিল । আৰু আজকল এৰা গেৰা পাৰ্টি যি ভি বন্ধ দিব নেতা বনি যাব ।

চকীয়া বাবু, পহিলে পহিলে লিডাৰ একটা বা দুইটা আছিল, চব মানুহ চনমান কৰিছিল, এতিয়া চব মানুচ লিডাৰ বনি গ’ল, চনমান কোন কাক কৰিব?  পহিলে একটা কাৰন আচিল, অচম বন্ধ কৰাৰ, আজকল কোনো কাৰন নাই হ’লে ভি অচম বন্ধ হৈ যায় । ফেচবুক মে কোনোবা ছোৱালীক বেয়া কমেন্ট কৰিব অচম বন্ধ, কৰবাত চুলাই খাই কিনে ১০ আদমি মৰিব অচম বন্ধ ।।কতিয়াবা ডিমাগ ফিৰি যাব হামনিকে ভি অচম বন্ধৰ প্ৰতিবাদত একটা অচম বন্ধ দি দিম ।চব পাৰ্টি অলগ অলগ বন্ধ কৰনেচেটো আটচ্চা আছে চব পাৰ্টি মিলিকিনে দু-তিন মহিনাকে লিয়ে একচাথ অচমটো বন্ধ কৰি দিব লাগে।

অচমীয়া মানুচ এলহুৱা আছে চব জানে । কই নহয় “অচম ইজ এ লেন্ড অফ লাহে লাহে” আৰু ই অচম বন্ধই মানুচ বোৰক আৰু এলহুৱা কৰি দিছে ।অচম বন্ধ যদি চুকুৰবাৰ হ’ল, চনিবাৰ আউৰ ৰবিবাৰ তিন দিন বন্ধ মানি লয় ।অফিচ গৈ কিনেই পহিলা প্ৰশ্ন কৰিব “ বৰুৱা কালি কিবা বন্ধ-চন্ধ চুনিছে নেকি, বহু দিন হ’ল চচুৰ বাৰি নোযোৱা”।

নিউজ চেনেল পেপাৰ কুচ দিন পহিলে কহিছিল কি যি ভি পাৰ্টি বন্ধ দিব, হামনি নিউজ নাই দেখাব ।চব ফুটুকাকে ফেন ভৈল ।গৰ্মেন্ট ক’হিছিল খি যি ভি পাৰ্টি বন্ধ দিব, ঐ পাৰ্টিকে লিডাৰক ধৰি কিনে তপিনা লাল কৰিব ।চেইটো ভি ফুটুকাকে ফেন ভৈল । আপনি চমঝিচেটো হামনি কি কহিব খুজিছে? মই বোলো বুজি আছো কৈ থাক পেটে পেটে  বোলো বন্ধ এটা হঁওক হঁওক বুলি কিমান ভাবি আছো তই ক’ত বুজিবি? অফিছৰ কামত লাগি থাকোতে শ্ৰীমতিৰ নামত খোলা ইঞ্চুৰেঞ্চৰ এজেঞ্চিৰ কামত লাগিবই পৰা নাই, তাতে মাৰ্চ এন্ডিং পালেহিয়েই ।

মই বোলো তই যে আজি ইমান অসম বন্ধৰ ওপৰত লেকচাৰ দিলি কি অচম বন্ধ আছে নেকি এই কেইদিনত ? সি বোলে একটা নাপিত হামনিকে কুচদেৰ পহিলে ফোন কৰিছে কি একটা পাৰ্টি ৩৬০০ ঘন্টা বন্ধ দিছে হামনিকে কব লাগে ৩৬০০ ঘন্টাকে কিমান দিন হয়? আঙুলি মুৰতে হিচাপ এটা মাৰি লগত লগত ফোন কৰিলো বোলো হেৰা চাউথত ফুৰিব যাম বুলি কৈ আছিলা যে ভগবানে কৰিলে হৈ যাব পাৰে দেই কৈ থলো ।সীতা ৰামৰ দোকানত আৰি থোৱা হনুমান শিৱ দূৰ্গা সকলোৰে ফটোবোৰত মুৰটো দোঁৱাই দিলো বোলো প্লিজ ভগবান চাবা যাতে যি পাৰ্টিয়ে বন্ধ নিদিয়ক লাগিলে সিহঁতৰ ডিমান্দবোৰ চৰকাৰে মানি নলয় যাতে ।হে জগন্নাথ বাবা, মন্দিৰতগৈ গাখীৰ দুই লিটাৰ ধালি দিম কিন্তু প্লীজ প্লীজ ডিমান্দবোৰ যাতে এনেকুৱা হয় চৰকাৰ কি ভগৱানেও যাতে মানি লব নোৱাৰে ।

যি কম মিছা কম মিছাৰ বাহিৰে একো নকঁও...........( ৰস ৰচনা)

:::::যি কম মিছা কম মিছাৰ বাহিৰে একো নকঁও::::

মানুহে কয় “মিছা কথাৰ ঠেং চুটি” সেইটোও এটা গোকাত মিছা। আপুনি কঁওকচোন মানুহৰ ঠেং থাকে নে ভৰি? আৰু এনে এটা মানুহ মোক দেখুৱাই দিয়কচোন যাৰ মিছা কোৱাৰ বাবে ঠেং চুটি হৈছে?

আচলতে মিছাৰ লগত আমাৰ সম্বন্ধ জন্মৰ আগৰ পৰাই । মোৰ জীৱনত শুনা প্ৰথম মিছা কথাটো আছিল, মোক জন্ম দিয়া ডক্টৰজনৰ । “নৰ্মেল নহয় ছিজাৰিন কৰিব লাগিব” বুলি মিছাকৈয়ে মাৰ পেতটো ফালি মোক ওলিয়াই আনিলে ।নাৰ্চিং হোমত মোৰ জন্ডিজ হৈছে বুলি মিছাকৈয়ে এসোপামান মোক চেলাইন খুৱালে ।খুৰা এজনে হস্পিতালত দেউতাক সুধিলে “কিমান খৰছ পৰিল?” দেউতাও লেবেল দিবলৈ কৈ দিলে নহয় ৪০০০ হাজাৰ মান মিছাকৈয়ে বঢাই ।ঘৰ আহি পাইছো ডাঙৰ দাদাই সুধিলে “মা মা ভাইটি কেনেকৈ জন্ম হ’ল?” বেচেৰাক দিলে নহয় মায়ে গোকাত মিছা কৈ “হস্পিতালৰ পৰা কিনি আনিছো” বুলি ।মুঠতে সব মিছা মিছা মিছা ।

বুট চোবাব নোৱাৰা মোক ককাই নামঘৰলৈ লৈ যায় মিছাকৈয়ে এখন প্ৰসাদৰ পাত বেচিকৈ লয় ।কান খোৱা আহিব বুলি, শিয়াল আহিব বুলি  সৰুতে আইতাই কম খিনি মিছা কথা ক’লে নে মোক শুৱাব আৰু ভাত খুৱাবৰ সময়ত ?

স্কুলত নাম লগাবলৈ গৈ দিলে দেউতাই মিছাকৈয়ে মোৰ বয়স কমাই দিলে। স্কুলতো পেট বিষাইছে বুলি মিছাকৈয়ে কম ছুটি ল’লোনে? আৰু যে ক’ত কি মিছা কথা মাতিলো চাৰ বাইদেউৰ আগত হোমৱৰ্ক নকৰা বাবে ।আৰু পৰীক্ষাত? লগৰ বোৰে মোতকৈ কম মাৰ্কচ পাইছে বুলি ঘৰতকোৱা মিছাবোৰ?

যৌৱন কালত প্ৰেয়সীৰ আগত কম মিছা মাতিলোনে? মিছা শপত কচম কম খালোনে?  আৰু বিয়া পাতিব গৈ ছোৱালীক আগতে কাকো ভাল পোৱা নাই, তোমাকে প্ৰথম ছোৱালী চাইছো বুলি কম গোকাত মিছা মাতিছিলোনে ?

মই মৰাৰ পিছতো মানুহে শ্মশানত মই ভাল মানুহ আছিলো বুলি মেলে-মিটিঙে কম মিছা মাতিবনে?।মোৰ কথা বাদ দিয়ক মইটো সৰু সুৰা মিছা কথা কোৱা মানুহ, ডাঙৰ ডাঙৰ নেতা, মন্ত্ৰী বিধায়ক সকলৰ কথা ভাবকচোন, কিমান মিছলীয়া ।

বাৰু বাদ দিয়ক সেইবোৰ বজাৰত গৈ আপুনি বস্তুৰ দাম কিয় কমায় ? কাৰন আপুনিও জানে বেপাৰিয়ে মিছাকৈ দাম বঢাই কৈছে বুলি । পূৱাতে আপোনাৰ ঘৰত গাখিৰ দিয়া গুৱালটোৰ পৰা, মাছ-শাক পাচলিৰ বেপাৰিটো লৈকে কিমানে আপোনাক মিছা মাতে আৰু কিমানক দিনটোত আপুনি মিছা কথা ক’ব লগীয়া হয় ভাবি চাইছেনে?পাব্লিচিতিৰ বাবে বা বিজ্ঞাপনত কোম্পানীবোৰৰ হৈ অভিনেতা –অভিনেত্ৰী সকলে কম মিছা কথা কইনে?7 দিনত ফেয়াৰ এন্ড লাভলী ঘহি আপুনি বাৰু এয়াৰ হোষ্টেজৰ দৰে বা ফ্লিম ফেয়াৰ এৱাৰ্ড লৈ পাইছেনে? অমিতাভ বচ্চনে বাৰু হাজমোলা খাইনে আৰু গায়ত্ৰীৰ পেট ইমান বেয়ানে যে লিভচিন নাখালে একো হজমেই নহয়?

আচলতে মানুহৰ জীৱনটো চলি থাকে মিছাৰ ওপৰতেই ।  এই ধৰক পুৱা আপোনাৰ শ্ৰীমতিৰ লগত কাইজীয়া লাগি মনটো বেয়া হৈ আছে, লগৰ বন্ধু এজনৰ ফোন আহিল, কৈ দিলে নে পুৱাই পুৱাই ভালে আছো বুলি মিছা কথাষাৰ ।

ধৰক আপোনাৰ আজি অফিছ যাব মন যোৱা নাই, এপ্লিকেশ্চনত লিখিব লাগিব, জ্বৰ হৈ আছে বা শ্ৰীমতিৰ বেমাৰ, বা ৰুটিন মেডিকেল চেক আপ । সঁচা কথা লিখি দিবচোন “এনেই মন ন’গল বুলি”।আপুনালৈ অহা ফোনটো কাৰ বুলি শ্ৰীমতিয়ে শুধিলে কৈ চাবচোন, মোৰ লগৰ ধুনিয়া ছোৱালী এজনিৰ বুলি । মোবাইলৰ কচম মোবাইল এঠাইত চিম এঠাইত হ’বলৈ বেচি পৰ নালাগিব ।

ঘৰতে বহি আড্ডা দি থাকোতে যদি অপ্ৰয়োজনীয় এজনৰ ম’বাইল বাজে মিছাকৈয়ে কৈ নিদিয়েনে মিটিঙত ব্যস্ত আছো, পিছত কৰিব বুলি । গুৱাহাটিত থকাজনক, আপুনি তেজপুৰত থাকোতেই নগাঁও পালোহি্যে আৰু অলপ সময় পিছত পাই আছোগৈ বুলি নকইনে ?

বাৰু আপোনাক কোনোবাই নিমন্ত্ৰন জনালে আপোনাৰ যাবলৈ মন নাই, আপুনি শ্ৰীমতিৰ অসুবিধা বুলি মিছাৰ আশ্ৰয় নলয়নে ?এৰাব নোৱাৰা পৰিস্হিতিত আপুনি গ’ল আৰু আলহীৰ ঘৰত দিয়া চাহকাপ আপোনাৰ পচন্দ হোৱা নাই, তথাপি আপুনি নকয় জানো বৰ ধুনীয়া হৈছে বুলি মিছা মাতি? ধৰক লগৰ এজনৰ বিয়াত আপুনি যাব নোৱাৰিলে, পিছত লগ পালে তেঁওক মিছাকৈয়ে কিবা এটা অজুহাত দেখুৱাই নে নাই?

আচলতে কি জানে মিছাৰ আশ্ৰয় নোলোৱাকে বা সত্য কথা কৈ আপুনি ৫ মিনিটো চলিব নোৱাৰে ।মিছা কথা ক’ব পৰাটোও এটা আৰ্ট, যি মিছা কৈ ধৰা পৰে তেনে মিছলীয়াক ধিক্কাৰ ।প্ৰকৃততে মিছা মতাত সিদ্ধহস্ত হবলৈ একো ডিগ্ৰীৰ প্ৰয়োজন নহয়,কিতাপ পঢাৰ প্ৰয়োজন নাই। মুঠতে মিছা বোৰ আমাৰ জিভাৰ আগতেই থাকে, ভাবিবলৈ মগজুৱে কষ্টই নাপায় । আৰু বহু মিছা কথা ক’বলৈ থাকিয়ে গ’ল ।সময় সুবিধা পালে আকৌ কেতিয়াবা মিছা কথা কম আপোনাৰ শপত (মিছাকৈয়ে খাইছো) পিছে যি কম মিছা কম মিছাৰ বাহিৰে একো নকঁও ।কাৰন সৰুৰে পৰা মানে জন্মৰে পৰা জীৱনত ইমান হকে বিহকে মিছা শুনিলো, মিছা মাতিলো, এতিয়ানো সঁচা মুখৰ পৰা ওলায় কিদৰে ?

সদৌ শেষত ৫ টা সকলোৱে কোৱা মিছা

1, মোৰ ভাল, আপোনাৰ?

2, 5 মিনিট ৰ’বা আহি আছো ।

3, তোমাক সঁচাই বিৰাট ধুনিয়া লাগিছে ।

৪, ধন্যবাদ, পিছে গিফ্ট নানিলেও হ’ল হেঁতেন ।

৫, মই কেতিয়াও মিছা কথা কৈ পোৱা নাই আৰু নকঁও ।