প্ৰেম নজমেহে নজমে (ষষ্ঠ খন্ড)

দিল দিৱানা
বিন চজনি চজনি চজনি ....

এজনিয়েই নাই তাতে যেই চজনি চজনি বুলি ক'ব ধৰিলে টেপটোৰ কেছেট ভৰোৱা ঢাকনীখন খুলি টুকুৰা কাগজত থু অকন লগাই অন কৰি হেডটো চাফা কৰি ল'লো ৷

দিল দিৱানা
বিন চজনিকে ....মানে না...
ইয়ে পগলা হে, চমঝানেছে চমঝে না......

গানটো লগাই বিছনাত বাগৰি দিলো ৷ কাগজৰ টুকুৰাটোত লিখি দিয়া তাইৰ ফোনৰ নম্বৰটোৰ আখৰ কেইটা বাৰে বাৰে চালো, ক'বলৈ গলে আখৰ কেইটাও ভাল লাগিব ধৰিলে ৷
ইফালে ৰাতি বাৰটা বজাত দিল দিৱানা গান লগোৱা শুনি দেউতাই ৰূমৰ পৰাই "ফলা খড়ি চিনি পাও..পঢ়া শুনাত মন নাই, লগৰ ল'ৰাই ...ডট ডট ডট " বুলি ৰেগুলাৰ পূৱা গধুলী বজা কেছেট খন ৰাতিও বজাব ধৰাত টেপটো বন্ধ কৰি থলো ৷ চকুহাল মুদি ফ্লেচ বেকলৈ গ'লো ৷ মই ষ্টেজৰ পৰা নমাৰ পিছত তাই আহি কোৱা কথাখিনি ফ্লাচবেকত বাৰে প্ৰতি ৰিৱাইণ্ড কৰি কৰি অনুভৱ কৰিলো ৷

তুমচে মিলনে কি তমন্না হে
প্যাৰ কা ইৰাদা হে
অউৰ এক ৱাদা হে জানম
জৌ কভি হম মিলে তৌ
জমানা দেখেগা অপনা প্যাৰ
অ মেৰে য়াৰ ....অ মেৰে য়াৰ

পুৱাই দেউতাৰ ASD 4773 বাজাজ চুপাৰখন বাৰাণ্ডাৰ পৰা নমাই দুই তিনিবাৰ বেকা কৰি কিক মৰাৰ ইতিহাস ৰচিলো ৷ এটা সময়ত মোৰ অপ্ৰাণ চেষ্টাৰ ওচৰত হাৰ মানি ঘেৰেৰেৰ ঘেৰেৰ কৰি কলা ধোঁৱা এসোপা এৰি ইঞ্জিনটো গৰজি উথিল যেন " শুই আছিলো, কিয় জগালি" বুলি গালি হে দিলে ৷ ইফালে স্কুটাৰৰ শব্দ শুনি গাধোৱা ঘৰৰ পৰা চাবোন সনা গাৰেই তিয়নি পিন্ধি দেউতাই চোঁচা লৈ আহিল ৷ মই পিচলৈ নাচাই যি এক্সেলেটাৰ ডবালো চিধা গৈ গাৰ্ল্চ হোষ্টেলৰ সন্মুখত ব্ৰেক মাৰিলো ৷ স্কুটাৰৰ লুকিং গ্লাছখনত চুলি খিনি এবাৰ ফনিয়াই, স্কুটাৰখন ষ্টেণ্ড কৰি তাই অহাৰ অপেক্ষাত বহি থাকিলো ৷

আজ উনচে পেহলি মুলাকাত হৌগি
ফিৰ আমনে চামনে বাট হৌগি
ফিৰ হৌগা কিয়া
কিয়া পটা কিয়া খবৰ.....

তাই আজি ঘৰ যাম কৈছিল, গতিকে পুৱা এবাৰ দেখা পোৱাৰ আশাতেই বহ্ম পুৱাতেই উথি চকু মোহাৰি মোহাৰি ফেচকুৰি গুচাই ষ্টেণ্ড কৰা স্কুটাৰত বোন্দা পৰ দি বহি থাকিলো ৷ পিছে

ইন্টেহা হৌ গয়ি ইন্টেজাৰ কি
আই না কুছ খবৰ মেৰে য়াৰ কি .....

সুদীৰ্ঘ দুঘন্টাৰ অপেক্ষাৰ পিছত হোষ্টেলৰ গেট খুলি তাইক অহা দেখা পালো ৷ মেলি থোৱা চুলি ৰঙাবগা চুৰিদাৰ জোৰত খুব ধুনীয়া লাগিছিল ৷ স্কুটাৰৰ পৰা নামি পিছৰ চিটটো স্কুটাৰ মোছা কাপোৰখনৰে এবাৰ মুছি তাইৰ ফালে আগুৱাই যাব লওতেই দেখিলো ভিলেইনৰ এন্ট্ৰি অৰ্থাৎ কেমেষ্ট্ৰী ডিপাৰ্টমেন্টৰ চিনিউৰটো বাইকলৈ আহি গেটত হাজিৰ ৷ মই স্কুটাৰৰ বনেটখন খুলি প্লাক চাফা কৰাৰ চলেৰে চাই থাকিলো ৷ তাই বাইকত বহি কাষেৰে পাৰ হৈ গ'ল ৷ মা কচম দুখেই লাগিছিল নে খঙেই উথিছিল ধৰিব নোৱাৰিলো ৷

পত্থৰ কে চনম তুজে হমনে
মোহব্বত কা খুদা জানা
বড়ি ভুল হুয়ি অৰে হমনে
ইয়ে কিয়া চমঝা, ইয়ে কিয়া জানা

স্কুটাৰ ষ্টাৰ্ট কৰি চিধা লগৰটোৰ ঘৰ পালোহি ৷ সি বেটা উথাই নাছিল ৷ গোৰ এটা মাৰি বোলো তোৰ বৌয়েৰ ভিলেইনৰ লগত বাইকত বহি গ'ল আৰু তই ফষ্টি মাৰি শুই আছ? সি চকু দুটা মোহাৰি বোলে কালি ফোন নম্বৰ দিছিল হে? মই বোলো বাদ দে ট্ৰেজেদি গান আছে যদি লগা ৷ সি বোলে আইডিয়া , তই বৌক ভাল ট্ৰেজেদী গান কেইটামানৰ সৈত্যে চিঠি এখন দি মনৰ কথাবোৰ কৈ নিদিয় কিয়? দেখিলো, আইডিয়া বেয়া নহয় ৷ লগে লগে পকেটৰ পৰা টকা পঞ্চাশটা উলিয়াই ক'লো বোলো ব্লেংক কেছেট এখন কিনি ৰফিকৰ টাত ভাল ভাল ট্ৰেজেদী গান বাছি বাছি ৰেকৰ্ডিং কৰি আনিবি ৷ সি ক'লে তই চিন্তাই নকৰিবি, এনেকুৱা ট্ৰেজেদী গান আনি দিম তাই শুনিলেই ফিদা হৈ যাব, তই মাত্ৰ চিঠিখন ভালকৈ লিখিবি, গানৰ টেনচনেই নলবি ৷

লিখে যৌ খত তুজে
ঔ তেৰি য়াদ মে
হাজাৰৌ ৰংগ কে
নজাৰে বন গয়ে.....

কথামতে কাম ৷ ঘৰত আহি পঢ়া টেবুলত বহি চিঠি লিখা আৰম্ভ কৰিলো ৷ নাই কলম হাতত ল'লে দেখোন কথা ওলায়ে নাহে ৷ হাজাৰৌ ৰংগ কে নজাৰে বাদ দিয়ক কাগজ ফালি ফালি বহীৰ মাজৰ পাত শেষ হ'ল কিন্তু চিঠি লিখা নহ'ল ৷ বাদ দিলো ৷ কলেজ খোলা দিনা লগৰটোৱে কেছেটটো দিলে মইও চেগ বুজি তাইক দিলো ৷ লগতে ক'লো যে মোৰ ফেভাৰেট গান ৷ শুনি লৈ জনাবা, তোমাৰ লগত অলপ কথা আছে ৷ তাই ক'লে এতিয়াই ক'ব পাৰা ৷ মই বোলো নহয়, মোৰ মনৰ কথাবোৰ গানবোৰতে পাবা, শুনি লোৱা, তাৰ পিচত ক'ম ৷ তাইও হ'ব ক'লে ৷

কৰৱতে বদলটি ৰ'হে
চাৰি ৰাত হম ...আপকি কচম
গম না কৰৌ দিন জুদাই কি বহুত হে কম
আপকি কচম ...আপকি কচম

পিছে পিছদিনা কোনো ৰিয়েকচন নেদেখিলো শেষত অফ পিৰিয়ডত নিজেই সুধিলো, গান কেইটা শুনিলা ? তাই ক'লে ভাল লাগিল ৷ পিছে দুখ লাগিল, এতিয়া কোৱা কি কম কৈছিলা ৷ মনতো ভাল লাগি গ'ল, তাইক ক'লো আবেলি হোস্টেল আহিম, তেতিয়া কম ৷

কেহ দু তুম্হে ইয়া চুপ ৰ'হো
দিল মে মেৰে আজ ক্যা হে.....

পেলুৰ দোকানৰ পিছফালে চিগেৰেট টানি থকা লগৰটোক আহি লগে লগে জনালো ৷ সি ক'লে মই কৈছিলো নহয় চকু পানী ওলাই যাব ৷ এতিয়া তই বিনদাচ মনৰ কথা কৈ দে ৷ মই বোলো কি কি গান দিছিলি, অলপ ক, কি গান দিছিলি মই গমেই নাপালো নহয়, সুধিলে কি কম? সি বোলে কেইটা মান হে মনত আছে বাকী পাহৰিলো, এটা "বাবুল কি দোৱায়ে লেটি জা.............এ মেৰে বতন কি লগৌ................দৌষ্ট দৌষ্ট না ৰহা আৰু এটা হাতি মেৰা চাথিৰ নফৰত কি দুনিয়াকো চৌৰ ..কে .............

*********