হেৰা, যোৱাবাৰ দেৱালীত গোটোৱা মিঠাতেলখিনি আছে নে শেষ হ'ল?
অলপ আছেগৈ, দেৱালীলৈকে যেন তেন যাব৷
ঠিকে আছে, এইবাৰ ডাঙৰ বটল আৰু কেইটামান বেছিকৈ দিবা৷ সন্ধিয়াৰ পৰাই আৰম্ভ কৰিম৷
আগৰ ভাল আছিল বুজিছা, দেৱালীত মানুহে বাউণ্ডেৰী ৱালত, কলগছত কেৱল মিঠাতেল দি মাটি চাকী লগাইছিল৷ কলগছৰ কাষত বা ৱালৰ কাষত ৰখি এফালৰ পৰা এন্ধাৰত জুপুকামাৰি থাকি চাকীৰ তেলবোৰ বটলত ভৰাই লৈ আনিব পাৰিছিলো৷ চাকী নুমুৱা দেখি মানুহবোৰে আকৌ তেল ঢালি ঢালি যায়৷ এঘৰতে এবটলকৈ ভৰ্তি হৈছিল৷ পিছে আজি কালি এই টিপ টপ লাইট বোৰ অহাৰ পৰা বৰ বেয়া হ'ল হে৷
পিছে দেৱালী পালেহিয়েই , বেছিবলৈ থোৱা হাঁহ কেইটাৰ চেহেৰাকেইটা অলপ নোদোকা কৰিব পৰা হয় দাম ভাল পালে হেতেন বুজিছেনে?
কথাটো হয়৷ ৰ' কালিৰে পৰা কাম এটা কৰিবি, পতান সোপা খাব দিয়াৰ আগত হাঁহ কেইটাৰ চকুত কাপোৰ এখন বান্ধি লবি৷ নহ'লে পতান দেখি নাখাব৷
অ শুনিছে, এইবাৰ কিন্তু মই দেৱালীত ফটকা ফুটামেই বহু বছৰ হ'ল ফটকা নুফুটোৱা৷ পিলিজ পিলিজ পিলিজ
ধেই আকৰী, ফটকা মানে পইচা পোৰা হে৷ তাতে পৰিবেশো প্ৰদুষণ কৰে তই হ'বলা নাজান?
হ'লেও মই ফুটামেই৷
হ'ব দে যোৱাবাৰ দেৱালীত পুৱা মৰ্ণিং ৱাক কৰিব গৈ মই নিয়ৰত সেমেকি নুফুটি পৰি থকা বম বোৰ লৈ আনিছিলো৷ কালিলৈ ৰ'দত দি দিবি অলপ৷ যিমান মন যায় ফুটাই থাকিবি দেৱালীত৷
মই অকলে ক'ত ফুটাম, আপুনি হ'বলা নুফুটাই!
হেৰৌ তই ফুটুৱা বম খিনিৰ চাউণ্ডবোৰ ম'বাইলত মই ৰেকৰ্ডিং কৰি থৈ চাওণ্ড বক্সত লগাই ৰিউৱাইণ্ড কৰি কৰি বজাই থাকিম আকৌ৷
মানুহে ভাবিব আমি বহুত ফটকা কিনি ফুটাইছো আকৌ৷
আপুনি যে ইমান স্মাৰ্ট৷
হেই এইজনী, চাঞ্চ পালেই কাষ চাপি আহ৷ এইয়া দেখিছনে মোৰ চাৰ্টৰ বুটামত লাগি তোৰ এই দীঘল চুলি এডাল সৰিলেই৷ যা যা যা টেমাটোত ভৰাই থৈ আহ৷ এইবাৰ সাঁচি থোৱা সৰা চুলিসোপা দি বেপাৰিটোৰ পৰা চচপেন এটা ল'ব লাগিব৷
আগলৈ.....
No comments:
Post a Comment