কাজিৰঙাৰ পথৰ কাষৰ আজাৰ খিনি ......

কাজিৰঙাৰ পথৰ কাষৰ আজাৰ খিনি ......
@দেবজিৎ শইকীয়া
আজাৰক দেখি নকৰো বেজাৰ
বুজো আজাৰৰ দুখ ৷
বিষাদ বৰনীয়া ফুল টোৰ
শুৱাব নোৱাৰ কাৰো মনৰ ফুলনী
মালিনীয়ে নুবুটলে তোক ৷
বেঙেনা বুলিয়া ৰং তোৰ হতাশাৰ ৷
সুৱাস নোহোৱা ফুল ৷
এলাগী হৈয়ে পৰি ৰ তই
অবহেলিত
অপেক্ষাৰত
কোনেনো বুজিব তোক ৷
বহাগৰ শেষত
জেঠৰ তপত
ৰদত ফুলা ফুল তই
পথৰ দাঁতিতেই ফুলি ৰ,
আদৰ নিবিচাৰিবি তই ৷
যদিও তোক দেখি পৰে চকু জুৰ
তথাপি সাবটি নলয় তোক ৷
তোক দেখি নজ্বলে কাৰো হৃদয়ত চাকি
নুঠে প্ৰনয়ৰ জোৱাৰ ৷
তোৰে মোৰে মনৰ একেই অসুখ
একেই বুকুৰ দুখ ৷
সেযেহে এজাৰ
নকৰিবি বেজাৰ
দুখৰ মাজতো হাঁহি মুখে ফুলি থাক
মৰহি নাযাবি
শুকাই যাব নিদিবি
জীৱনৰ ৰং বোৰ ৷
আশা, হতাশা
পোৱা নোপোৱাৰ মাজতো
নিজেকে নিজেই সুখী কৰি ৰাখ ৷