কবিতাজনি .....

কবিতাজনি .....
@দেবজিত শইকীয়া
আজি বহু দিন হল
তোমাক লগ নোপোৱা
কিবা চাগে বেয়া পালা
বৰ অভিমানী দেই তুমি
ইমান ওফোন্দ পাতা,
আহিবা আহিবা বুলি বাট চাও
ওৰেটো নিশা,
দিনতো থও
মনৰ দুৱাৰ খুলি ৷
কিজানিবা ভুমুকি মাৰাহি
এসোঁপা বিষাদ অথবা
এমোকোৰা হাঁহি মাৰি
খেলিবলৈ দুয়ো মিলি
অনুভুতি ভৰা শব্দৰে
আবেগৰ সৃষ্টিৰ মেলা
আহো বুলিও নাহা
ৰৈ থাকো মই জানা ৷
আজি দেখোন
নমতাকৈয়ে আহিলা ৷
কিবা লাগে হবলা
দিম দিয়া আজি
তোমাৰ নামত এনিশা
গুপুতে মৰম সনা ৷
তুমি আৰু মই
আৰু মৰমে ধুৱাই নিয়া
ওৰেটো নিশা
হৃদয়ৰ উত্তাপ
শব্দ বৰ্ণ ভাষাৰে
কলমেদি নিগৰি অহা ........