বুকু উজাই দুখ আহে

বুকু উজাই দুখ আহে
সুখ যাই ভটিয়াই
দিন আহে ৰাতি যাই
মাহ বোৰ পাৰ হয়
বছৰো বাগৰি যাই৷
কতেনো গলি হেৰাই
সপোন মোৰ
তোৰ চোন আহৰি নাই
মোৰ বুলিবলৈ
তই নাই ৷ ৷
খবৰ এটা লবি চোন
কেনেকৈনো আছো জীয়াই ৷
গ্ৰীষ্ম বৰ্ষা শৰৎ হেমন্ত
ঋতু আহে ঋতু যাই
তৃষ্ণাতুৰ মনে মোৰ
তোলৈকে বাট চাই
পানী অনা ঘাটলৈ পানী অনাৰ চলেৰে
আকৌ এবাৰ আহচোন
মনৰ কথা খুলি কম
কহুৱা বিৰিনাৰ বালিয়ৰি বাগিছাত
আকৌ প্ৰেমৰ শপত লম ৷
দিখৌ নৈত সাতুঁৰিম
দিছাং মুখত উমলিম
দিহিংৰে পাৰত বহি
তোক অনাৰ কথা দিম ৷