কেতিয়াবা আকাশ চাবা

কেতিয়াবা আকাশ চাবা
মোক দেখা পাবা ৷
কেতিয়াবা বতাহ সাবটি লবা ৷
উশাহত মোৰ সুৱাস পাবা ৷
আকাশৰ তৰাটোৱে যদি জিকমিকাই
বুজিবা মই তোমাক চাই জোকাইছো ৷
যদি কলা মেঘে আকাশ উন্দোলাই
বুজিবা মই কান্দিছো
নিৰবে তোমাৰ বাবে ৷
বৰষুণ হৈ নামি আহিম
তোমাৰ দেহা চুবলে ৷
যদি মোক বিচাৰিব মন যাই
মনত এবাৰ ভাবিবা অকলে
সপোন হৈ দুচকুত চুমা দি
আকৌ গুছি যাম দুৰলে ৷
যদি কান্দে তোমাৰ হৃদয়ে
মোক হেৰুৱাৰ দুখে তোমাৰ বুকুত
যদি হে নিগৰে শোক
এটোপাল অশ্ৰু হৈ
বৈ আহিম
তোমাৰ দুগালে ৷ ৷ ৷ ৷