বৰলাৰ বিয়া

বিধিয়ে দিলেও বিধতাই নিদিয়া এজন মোৰ বন্ধুৰ কথা ক'বলৈ ওলাইছো ৷ কথাটো হ'ল প্ৰায় তিনি কুৰি দুই ডজন ছোৱালীয়ে বন্ধুৰ তেজক পানী কৰি কৰা প্ৰেমক প্ৰত্যাখান কৰি বেলেগৰ পাণি গ্ৰহন কৰি সকলো কষ্ট পানী কৰি তাক ঢোকাঢোকে পানী খুৱোৱাৰ পিছত ঘৰৰ সকলোৱে তাক পানী পানী কৰি বুজাই দিলে যে তোৰ দ্বাৰা আৰু ন'হব ৷
বহু সময়, টকা পইচা প্ৰেমৰ নামত পানী কৰাৰ পিছত মামা মামী পেহা পেহী খুড়া খুড়ী, মুঠতে সকলো মিলি পাত্ৰী বিচৰা অভিযানত নামিল ৷ ক'বলৈ গ'লে মাছ নাপালেও পানী ঘোলা কৰিহে এৰিব টাইপ ৷ দুই এজন সম্বন্ধীয়ই পানী জৰাইও আনিলে , দুজনমানে মন্দিৰৰ পৰা অনা শান্তি পানীও চটিয়ালে ৷ নাই কামত নাহিল ৷
অবশেষত যেন তেন এজনী তাৰ বাবে যেনিবা ওলালগৈ ৷ ছোৱালীৰ বাপেক আছিল অসমীয়া বিভাগৰ শিক্ষক ৷ হ'ব লগিয়া শহুৰক ইম্প্ৰেছ কৰিবলৈ সি খাটি বিশুদ্ধ অসমীয়া শিকি এদিন তেওঁলোকৰ ঘৰ পালেগৈ ৷
পিছে পাণি গ্ৰহন কৰিবৰ বাবে পচন্দ হ'ল তাৰ সৰু জনীহে ৷ সি পানী চালি ফুৰা মানুহ নহয় যদিও অসমীয়া ভাষাত শহুৰতকৈও বেছি জনাতো দেখাবলৈ ডাইৰেক্ট কৈ দিলে বোলে মই আপোনাৰ সৰুপানীহে গ্ৰহন কৰিব হে বিচাৰো ৷
তাৰ পিছত আৰু কি হ'ব আৰু হ'ব লগা শহুৰে একেচাতেই দুৱাৰখন দেখাই দি বোলে ৰাষ্টাৰ কাষত ৰৈ কৰি ল'বা এনে অসমীয়ালৈ মোৰ ছোৱালী বিয়া নিদিও বুলি কোৱাত বেচেৰাই চকুপানী টুকি গুচি আহিল ৷
তাৰ পিচত কি হ'ব, বানপানীত ক'কবকাই থকা মানুহৰ দৰে সিও পাণি গ্ৰহন কৰিবলৈ ছোৱালী বিচাৰি ক'কবকাই ফুৰিলে ৷ মুঠতে বৰলা জীৱন পানীত হাঁহ নচৰা অৱস্থা হ'ল ৷ পানী এটোপা খা বুলি কবলৈ, গৰমপানী অকন পুৱা গধূলি দিবলৈকো, পানীদুনি অকন যাচিবলৈকো আনকি মৰিলে মুখত পানী টুপি দিবলৈকো তাৰ ঘৰত কোনো নাই ৷ কাৰো পানী খোৱা পুখুৰীত বিহ ঢালি পোৱা নাই যদিও ঈশ্বৰে তালৈ এজনী কিয় নপঠালে সি আজিলৈকে নুবুজিলে ৷
বহু ঠাইত ছোৱালী বিচাৰি চেণ্ডেল চোচৰাই চোচৰাই গৈ গৈ ভৰিত শেষত তাৰ পানীজোলা বান্ধিলেগৈ ৷ এনে দৰে পানী কোবাৰ পিছত এদিন পানীপোতাত আমন জীমনকৈ নাকৰ পানী চকুৰ পানী একাকাৰ কৰি বহি থাকোতে কোনে জানো আহি তাক উপদেশ দিলেহি বোলে

পানী মৰে পিয়াহত , অগ্নি মৰে জাৰত
খোদা ৰছুল লোকাই আছে মোমিনৰ আৰত

পানীত থাকি পিয়াহত মৰ কেলই? ফেচবুক একাউন্ট এটা খোল তাৰ পিছত চা ৷ এনেও অসমীয়া ল'ৰাই বিদেশী ছোৱালীক বোৱাৰী কৰি আনি ৰেকৰ্ড গঢ়ি তুলিছে ৷ কথামতে কাম , একাউন্ট খুলিলে ৷ ভালৰ ভাল ফটো কেইখনমান এডিট কৰি প্ৰফাইলত দিলে আৰু ডাইৰেক্ট ছোৱালী চোৱা ব্যৱস্থাক পানী এচলু দি ফেচবুকত ছোৱালী বিচৰাত লাগিল ৷ তাৰ পিছত কি হ'ল? ??
অলপ পদ্য আকাৰতে পঢ়ক ৷

ফেচবুকৰ চেলিব্ৰেটি আমাৰ বৰলাকাই,
চেলিব্ৰেটি হলেও কিন্তু তেৰাৰ অকনো ভেম নাই৷
সন্ধীয়া হ'লে অকনমান গড়মাৰ্কা খাই,
পিছে নলাত পৰি থকা ৰেকৰ্ড আজিলৈকে নাই৷
দেখাক দেখি বডি বনাই ,
জিমলৈকো যাই,
হাড়ে চালে লগা দেহাত মঙহ হে নহ'ল হায়
গাৰ বৰন কিনো কম যেন ফুট চাই,
ৰঙা লংপেন্ট নিলা স্পৰ্টিং আৰু পিন্ধে টাই ৷
জীৱনভৰ ছোৱালী বিছাৰি এজনিও নাপালে পাই,
বৰলা হৈ সেয়ে আজি কালি নিজে ৰান্ধি মেলি খাই৷
ফেছবুকত ছোৱালী এতিয়াও বিছাৰি চাই
বিবাহিত বোৰক দেখিলেহে তেৰাৰ খং উথি যায়

বৰলাকাইৰ কথা কৈ নপৰে ওৰ,
সিদিনাখনৰ কথা এটা আজি মনত পৰিল মোৰ
বৰলা সংস্থাৰ মিটিংত
কাই আছিল ফিটিংত
যা তা বকি দিলে মাইকৰ স্পিকাৰত ৷
ৰাইজ আছিল টেম্পাৰত
পাব্লিক ধুলাই পৰি গল স্তেজত৷
কাইক উথাই স্ট্ৰেচাৰত
পোৱাই দিলে হস্পিটালৰ কেবিনত ৷
হাত ভৰি ভাঙিল পিটনত
জোৰা আৰু নালাগ এইটো মনুষ্য জীৱনত
লাখ টকা গ'ল ট্ৰিটমেন্টত
কাইয়েও বৰলাহৈ নাথাকো বুলি লৈ ললে চেলেঞ্জত ৷
ভঙা হাতৰেই বুটাম টিপিলে মোবাইলত,
বিয়া পাতিম বুলি আপডেট দিলে স্টেটাচত ৷
বহুকেইটা প্ৰপ'জেল আহিল ফেচবুকৰ ইনবস্কত৷
তাৰে এজনীৰ প্ৰফাইল চাই বুক কৰিলে ফটাফট ৷
মাতি পথালে ডেটিংত ৷
ফুৰ্তিতে কাইয়ে বাইক চলালে স্পীডত,
ব্ৰেক মাৰিলে কিটিপত ৷
চিটিকি পৰিল নেহেৰু পাৰ্কৰ ভিতৰত ৷
প্ৰেয়সীক বহাই ললে ওচৰত,
পুখুৰীটোৰ কিনাৰত৷
সাবটি ললে আন্ধাৰত
চুমা এটা খাই দিলে কপালত ৷
প্ৰেয়সীয়েও সাবটি ললে চেনেহত ৷
নিচাৰ কোবত দিছিল চুমা খাই
দাড়ীয়ে বিন্ধাত হে হুচ আহিল ছোৱালী নহয় ভাই ৷
সেইজন আছিল সিবিধ, মতা মাইকী চিন চাব নাই,
ডিঙিত গবা মাৰি ধৰি নেৰা হ'ল কাইক ৷
বিছাৰি মেলি কাইক পিছৰদিনা জোপোহাৰ তলত পালো যায়,
বেহুচ হৈ পৰি আছিল মাত বোল নাই ৷
মই বোলো কি হল বৰলাকাই ৷
কালিৰে পৰা দেখোন অনলাইন নাই?
মোক বোলে নকবি ইজ্জত আৰু মোৰ নাই ৷
আজি কালিৰ আপা গিলা আপীৰ দৰে ভাই ৷
কানফুলি নাক ফুলি আৰু লাম্বা চুলি আছিল তাইৰ ৷
ফেক একাউন্তৰ পাল্লাত পল্লু যাই,
ফেচবুকৰ প্ৰফাইল ফটোত আৰু বিশ্বাস মোৰ নাই