আংকোল মহন্ত সংবাদ

হেকা মহন্ত সংবাদ (১)

যোৱা বহাগৰ কথা ৷ মহন্তই হেকাক বিহু খাবলৈ নিমন্ত্ৰন কৰিলে ৷ এনেই মহন্ত অলপ বৰকথিয়া বুলি হেকাই জানে তথাপি ফুল প্ৰিপিয়াৰেচনত গৈছিল, বোলে আজি মহন্তই যি ক'ব তাতকৈ দুগুন ওপৰত দিম ৷ কথা মতে কাম, গৈ দেখে মহন্ত পদুলীৰ পুখুৰীটো পাৰত বহি ম'বাইল টিপি আছে ৷
হেকাই বোলে আৰম্ভ কৰা যাওক, এই বুলি মাত দিলে বোলো, মহন্ত পুখুৰীটো কিমান দ জুখি আছা নেকি?
মহন্তৰ খাৰাংখাচ উত্তৰ "নহয় অ এই হাঁহ কেইটা কিয় ডুবা নাই তাকে গুগুলত চাই আছিলো ৷
হেকা নিমাত ৷
ভাত খাই থাকোতে হেকাই বোলে বুজিছা মহন্ত ভাত খালেই মোৰ শাহুৱে আঠমঙলাত বনোৱা বৰালী মাছৰ জোল খনলৈ মনত পৰে ৷ কি জুটি আছিল, উফ উফ ৷ আজি বিয়া হোৱা চল্লিছ বছৰেও জিভাত লাগিয়েই আছে ৷
মহন্তই বোলে খুড়া মোৰো সেই আঠমঙলাই বুজিছে ৷ তেৰই ছয়ে মোৰো হওঁতে ঊনৈশ বছৰেই হ'ল দিয়কচোন ৷ মই আগতে গান গাইছিলো নহয় ৷ টিলিকি বজায় বজায় কিমান গান গাই ছোৱালীৰ অন্তৰ খাইছিলো ৷ পিছে শাহুৱে যি এঠা দৈ খুৱালে, এইয়া চাওকচোন টিলিকি বজাবলৈ আঙুলিৰ এঠা নুগুছাই হ'ল ৷ এইয়া টিলিকি নাবাজেই ৷
হেকা নিমাত ৷
হেকাই বোলে আজি জোলত মাছৰ পিচটো চাই দেখিলো মাছৰ চাইজবোৰ তোমালোকৰ ফালৰ মানুহবোৰৰ দৰে একেই ৷
মহন্তই বোলে, আমি আলহিৰ চাইজ চাইহে মাছৰ পিচ কৰো ৷ এইটো যোৱাকালি মই জাল মাৰি অনা ৷ জাল মাৰি আনি মাছটো চোতালত পেলাই দিলো ৷ মানুহজনীয়ে ভুমিকম্প বুলি বাহিৰলৈ দৌৰ মাৰি আহিল ৷ মই বোলো চাকিটো লৈ আন মাছ আনিছো ৷ তাই বোলে আপুনী ক'ত? মই বোলো তই মাছৰ সিটো ফালে থাকি মোক ক'ত দেখিবি, চাকিটো লৈ এই ফালে আহ, মই মাছৰ ইটো ফালে আছো ৷
হেকা নিমাত ৷
হেকাই বোলে হওঁক বিহু বুলিনো কি আশিৰ্বাদ দিম ৷ মুৰৰ চুলি চিঙি আশিৰ্বাদ দিছো হাই কাজিয়া নোহোৱাকৈ দুইটা কুশঁলে থাকা ৷
মহন্তই বোলে আপোনাৰ তালুখন চাই আশিৰ্বাদ দিয়া যেন নালাগিল ৷ খং ডাল উঠাই নল'ব ৷ যোৱা কালিৰ কথা, শ্ৰীমতিয়ে আঞ্জাত নিমখ নিদিলে, খং উঠি কাঁহিখন দলিয়াই দিলো ৷ দুৱাৰেদি কাঁহি ওলাই গৈ পিছফালৰ তিনি বিঘা কুঁহিয়াৰ গুৰিতে কাটি পেলালে ৷ সেই কুঁহিয়াৰ পেৰি ষাঠি টিং গুড় পালো ৷ আজি দৈ লগত দিয়া গুড় খিনিৰ কথা কৈছো ৷
হেকা নিমাত ৷
হেকাই চাহপানী খাই ওলাই আহি দেখিলে মহন্তই লেৰেলা চেপেটা লাও পুলি এটা খুচৰি আছে ৷ হেকাই বোলে "লাওৰ সঁচটো ভাল, একদম তোমাৰ পেটটো লেখিয়া পানী লাও লাগিব, অলপ গোৱৰ চোৱৰ দিবা ৷
মহন্তৰ ইনষ্টেন্ট উত্তৰ "গোৱৰ দিয়াত কৈ হেকা কাই মই ভাবিছো গৰুৰ পোকৰটটোকে কাটি দি দিও নেকি?
হেকা নিমাত ৷
হেকাই বোলে নাই ইয়াক নোৱাৰি ৷ ঘৰলৈ বুলি চাইকেল খনত উঠি বোলে নাই লাষ্ট চাঞ্চ এটা ট্ৰাই কৰো ৷ হেকাই বোলে মহন্ত, জপনাখন গাঠি এটা মাৰি থবা, এনেও তোমাৰ তাতটো আলহি নাহেই ৷
মহন্তই বোলে মাৰিয়েই থও ৷ পুৱা হে খুলি দিছো ৷ যোৱা কালি ৰাতি জপনা বন্ধা ৰচি ডাল নাপাই কল মগুনা এডালকে মেৰিয়াই থৈছিলো ৷ পুৱা আপুনী অহাৰ আগত জপনাৰ ৰচী খুলিব গৈ শ্ৰীমতিয়ে চিঞৰ বাখৰ কৰিলে ৷ মই গৈ দেখো ক'লা ফেঁটি সাপ এডাল ৷ ৰাতি কল মগুনা বুলি ফেঁটি সাপ এডালকে বান্ধি থ'লো ৷ মই বোলো ৰ' চিঞৰ বাখৰ নকৰিবি এই বুলি সাপৰ গাঠিটো খুলি চেই চেই কৰি আপুনি আহিব বুলি জপনাখন খুলি থৈছিলো ৷
হেকা নিমাত ৷ 

এতিয়াও মাতটো ওলোৱা নাই ৷ কিবা ফুঁ ফুঁ জাতীয় শব্দহে ওলায় আছে ৷
============


পুৱাই পুৱাই মহন্তনীয়ে টেটু ফালি হায়ৈ বিয়ৈ কৈ চিঞৰিব লাগিল ৷ মহন্তনীৰ মুখত বিয়ৈ বুলি শুনিবলৈ হে পালে ৷ মহন্ত ৰূপি কলিৰ কৃষ্ণৰ সখী, পৰম বান্ধৱ উদ্ধৱ মানে আমাৰ অৰ্জুন আংকল লৰালৰিকৈ তিয়নি খনকে ককালত মেৰিয়াই উধাতু খাই দৌৰি আহি ধাচ কৈ মহন্তনীৰ চোতালত পৰি দিলেগৈ ৷

কি হ'ল, বিয়নী, কি হ'ল? ইমান কিয় কান্দিছা, মই আছো নহয় ৷

মহন্তনীয়ে বোলে অ' মোৰ মানুহটোক এই বুঢ়া বয়সত কিহে পালে ঐ?

আংকোলে বুলি কিবা পৰকিতি চৰকিতি ল'ৰিল নেকি?

মহন্তনীয়ে বোলে এই বয়সত ল'ৰিব লগিয়া বস্তুবোৰ ল'ৰা হ'লেও ভাল আছিল ৷ পিছে সৰু সৰু ল'ৰা বোলে খেলি থকা খেল বোৰ হে খেলিছে ৷

আংকোলে বোলে, কি খেল খেলিছে? প্ৰেম চ্ৰেম নহয়টো ?

মহন্তনীয়ে বোলে সেই বোৰ মোৰ লগতেই যি তেৰ বছৰ খেলিলে অ', তাৰ পিছত আনকি মোৰ ভয়ত গাঁৱৰ ছোৱালী বোৰৰ লগত ফাঁকু খেলাও বাদ দিছিল মানুহটোৱে ৷

তেনেহ'লে খেলিছে কি, সোনকালে কওঁক ৷ আপোনাৰ কান্দোন দেখি মোৰ অন্তৰে, হিয়াই, কলিজাই, বুকুৱে সকলোবোৰে ৰাউচি ধৰি কান্দিব ধৰিছে ৷

অ' মোৰ সোনামোৱা টো অ', নেখেলিবি অ' সোন, কাকতি দা, বৰুৱাদা হঁতৰ শপত মই আৰু কেতিয়াও তোমাক পেটুৱা বুলি নাহাঁহো আৰু ৷

আংকোলে বোলে বিয়নি আপোনাৰ গাত কি এক্টা কাপুৰৰ ভুত সোমাল নেকি? এটা কথাকে ইমান টানি আছে?

ভুতেই সোমাইছে পিছে মোৰ তাত নহয়, মোৰ মানুহটোৰ গাত হে টিমি মাছৰ ভুত সোমাল অ' ৷ ৰাতি ৰাতি মোবাইল পিটিকি থাকে, মই ভাবিছিলো, ফটাঢোলৰ খুলখালী কেইজনীলৈ চাগৈ মেচেজ দি থাকে ৷ সেয়ে একো কোৱা নাছিলো ৷ কিন্তু মিছা, কাকো মেচেজ নিদিয়ে ৰাতি ৰাতি ব্লু হোৱেল খেলি থাকে অ', মোৰ কি হ'ব এতিয়া ৷

আংকোলে বোলে, আঠুৱাৰ মহ মাৰিব ভয় কৰা মহন্তই ব্লু হোৱেল খেলিছে? মোৰ বিস্বাস নহয় ৷
মহন্তনীয়ে বোলে, খেলিছে খেলিছে, আজি কাকো মুখৰে নমতা টাস্ক পৰিছে ৷ মোকো ৰাতিপুৱাৰে পৰা মতা নাই অ, মই ক'তে যাও, কি কৰো ?

অৰ্জুন আংকোলে বোলে অহ, লেভেল ফাইভ ৷ চিন্তা নকৰিবা বিয়নি ৷ মোক ট্ৰাই কৰিব দিয়া ৷ মই যদি মহন্তৰ মুখৰ মাত উলিয়াব নোৱাৰো, তুমি মোৰ নামত যি পুহা পুহি ল'বা ৷

মহন্তনীয়ে বোলে যি কৰা কৰা মুঠতে মোৰ মানুহটোৱে মুখৰে মাতষাৰ মাতিলেই হ'ল আৰু ৷

অৰ্জুন আংকোলে বোলে মহন্ত, সোনকালে মুখৰে মাতা, নহ'লে তোমাৰ লিলিমাই বোৰ খণ্ড খণ্ডকৈ মহন্তনীৰ আগত বেকত কৰিম ৷

নাই মহন্তৰ মুখৰ মাত নাই ৷ অৰ্জুন আংকোলে বুলে মহন্তই মুখৰে মাতিব নোৱাৰা হৈ থাকোতেই মহন্তনীৰ আগত মহন্তৰ নেমেলা পুৰান মেলি দিয়াই ভাল এই বুলি আংকলে বোলে মহন্ত যোৱাবাৰ মাৰ্চ এণ্ডিংৰ ৰাতি যে অফিচত কাম আছে বুলি ......

ক'বলৈহে পালে, মহন্ত বাথৰুমৰ পৰা দৌৰি আহি বোলে মো...মু..মা....নো....সু...লৈ ...তই.....চা.....মো....ঘ....ভা......আ....কে....চা.....ল.....তো...

অৰ্জুনে বোলে কি কৈছা সখী ভাল কৈ কোৱা ৷
মহন্তই বোলে কে...এ....স....চে....আ....

অৰ্জুনে বোলে, বিয়নী কিবা কাগজ এখন আনি দিয়ক, কথাতে কয় নহয়, আনলৈ বুলি হুল পুটি নিজে মৰে ফুটি ৷ চকীয়াৰ মুখত দিয়া বলটো ধুই মেলি মুখত ভৰাওতে মহন্তৰ ডিঙিত লাগি ধৰিল চাগৈ ৷ যাওক যাওক সাউতকৈ কাগজ কলম আনক ৷

মহন্তনীয়ে কাগজ কলম আনি দিলে ৷ মহন্তই লিখি অৰ্জুনক পঢ়িব দিলে ৷

হেৰৌ মোৰ মানুহজনীয়ে দিনটো মোক পেক পেক কৰি থাকে ৷ সেয়ে পুৱা তাই সাৰ পাই উঠা আগত কুইক ফিক্সটো ওঠত লগাই দিম বুলি কালি কিনি আনিছিলো পিছে পুৱা পাঁচ টকীয়া কুইকফিক্সৰ ধাকনীটো খুলিব নোৱাৰি মুখৰে কামুৰি ঘুৰালো, কুইকফিক্স ফাটি মোৰ ওঠত লাগিল.....