অলৌক নিৰঞ্জন

অলৌক নিৰঞ্জন,
প্ৰেমত বাৰ বাৰ অচফল হৈছে, পৰিকচা পাচ কৰা
নাই, চাকৰি হওঁ হওঁ আছে হোৱা নাই, কৰোবাৰ
বাটচা নাই আছে, কাৰোবাৰ মতাই ঘৈনীকে কথা
নাইচুনে, চব প্ৰব্লেম কে চলুচন আছে বাবাৰ হাতত ।
অলৌক নিৰঞ্জন.......

(পেলেকৰ ঘৰৰ চোতালত কান্ধত মোনা লৈ গেৰুৱা চোলা ৰঙা লেঙুটি পিন্ধা বাবাৰ হঠাৎ আবিৰ্ভাৱ ঘটিল। ভিতৰৰ পৰা আলেখলেখ চাই থকা পেলেকে বোলে আজি বাবাৰ অলৌক নিৰঞ্জন যদি মই ত্ৰাহি মধুষোধন কৰিব নোৱাৰো, মইও পেলেক নহয় ৷ কথা মতে কাম, পেলেকে চিধাই আহি সাষ্টাঙ্গে পৰি বাবাৰ লেঙুটিত ধৰি ল’লে)

::বাবা আপুনি মহান ৷ আজি সাক্ষাৎ লগ পালো ৷ আমাৰ আকৌ অসমত ইমান চমৎকাৰী বাবা নাই নহয় ৷ আপোনালোকে আমাৰ গাওঁবোৰত আহি ঘৰে ঘৰে তাবিজ কবচ বেছি ফুৰিলেহে দেখা পাও। বাবা মোক উদ্ধাৰ কৰক ।

::ক’ বাটচা তোৰ কি প্ৰব্লেম আছে ? অলৌক নিৰঞ্জন.......

::পেলেকে বোলে বাবা, মোক টেট ক্লিয়াৰ কৰি দিয়ক ।

::বাবাই বোলে বাটচা এই টেট কি জিনিচ আচে মোক চমঝাই ক’ চুটকি মাৰি কিনে ক্লিয়াৰ কৰি দিম ।

::পেলেকে বোলে দিবটো? নোৱাৰিলে চাব কিন্তু কালান্ত কৃষ্ণক চেলেঞ্জ দিছে কিন্তু আপুনি ৷

::বাবাই বোলে তই মোক চন্দেহ কৰিছ’?

::নাই কৰা বাবা নাই কৰা ৷ আপুনি মহান ৷ আপোনাৰ নিচিনা বাবাৰ ওচৰত দেশৰ ডাগা ডাগা চোৰ, মন্ত্ৰী বিধায়কে শৰণ লয় ৷ আনকি ক্ৰিকেটাৰেও খেল শিকিব যায়, চিনেমাৰ নায়িকাইও চিনেমাত চাঞ্চ পাবলৈ চৰন চুব যায় ৷ তেনেস্থলত মই কোন কুটা ৷ বাবা ক্ষমা কৰক ।

:: বেটা, দেচ টু চাধুৱেই চলাই আছে ৷

:: হয় বাবা হয়, আমাৰ দেশ মহান ৷ ইয়াত যুগে যুগে নহয় প্ৰতিদিনেই দুটা এটা ভগৱান জন্ম হৈয়েই থাকে ৷ আশা ৰাম বাপু, ৰামপাল বাবা, ইচ্ছাধাৰী বাবা, ৰাম ৰহিমৰ দৰে সাধু ঈশ্বৰ জন্ম নোহোৱা হ'লে আমাৰ দেশৰ কি যে অৱস্থা হ'ল হয়, ভাবিলেই চকুপানী ওলায় যায় ৷ নেতাই কি দৰে নিৰ্বাচনত জিকিলে হয় ৷ আমি ডক্টৰৰ ওচৰত নোযোৱাকৈ বেমাৰ কি দৰে ভাল কৰিলো হয়? বিদেশী বস্তু দেশী মাৰ্কাত ক'ৰ পৰা কিনিলো হয়?

:: বেটা, মোৰ আশ্ৰম গ'লে দেখিবি কি কিমান ভক্ত মোৰ গুৰুকে চৰন দৰ্চন কৰিব আহে ৷

:: পেলেকে বোলে জানো বাবা, জানো ৷ কুকুৰৰ নেগুৰত ধৰি বৈতৰনী পাৰ হ'ব খোজা অন্ধৰ আমাৰ দেশত অভাৱ নাই ৷ সেয়ে চৰন দৰ্শন কৰিব যায় ৷

:: বাবাই বোলে তই কি বৈতৰনী কহিলি, নাই চমঝিলো ৷

:: পেলেকে বোলে, নিজকে কৈছো বাবা,নিজকে ৷ নহ'লে গুৰুদুজনাৰ দৰে নিজৰ ঘৰতে দুজনকৈ মহাপুৰুষ থাকোতে আপোনালোকৰ দৰে সাধুৰ চৰন চুও নে ? পাৰিলে এখন আশ্ৰম আমাৰ অসমতো খোলক, চৰকাৰে ভুমিহীনক মাটি নিদিলেও বাবাৰ আশ্ৰম বুলি ক'লে খেটাং মাটি দিব ৷ আৰু অন্ধৰ কথাই চিন্তা কৰিব নালাগে গেৰুৱা কাপোৰ পিন্ধা বাবা বুলি ক'লে পিন্ধি থকা অসমীয়া নামৰ লেঙুটিখনো খুলি দিয়া মানুহ অসমত এতিয়া নতুনকৈ বহুত পাই যাব ৷ বাৰু বাবা এইবোৰ আপুনি ফেচবুক বা ৱাটচএপতে পঢ়ি ল'ব পাৰিব ৷ আপুনী মোক মুঠতে টেটটো পাছ কৰাই দিয়ক ৷

:: ঠিক আছে বেটা তোৰ বাবাৰ প্ৰতি ভক্তি দেখি খুচ হৈছো, তোৰ প্ৰৱলেমটো কি ক, চুটকি বজাই কিনি পাচ কৰাই দিম তোক ৷

::বাবা ফাৰ্ষ্ট পেপাৰ পেডাগগি আৰু চেকণ্ড
পেপাৰ জিকে।

::বাবাই বোলে অলপ চমঝাই ক’ তই যি কহিচ’
মই চমঝা নাই।

::পেলেকে বোলে এ বাবা সেইবোৰ বাদ দিয়ক
দুখন পেপাৰৰ পৰীক্ষা আছে মোক মাত্ৰ ১২০
পোৱাই দিয়ক ।

::বাবাই বোলে তাকে কিয় কোৱা নাই গৰু ?
ক’হিব লাগে কি, টেট একটা পৰিকচা আছে ।চমঝি ল’ তই পাচ কৰি গ’লি । মই তোক এটা তাবিজ দিম, যি তোৰ পৰিকচা ল’ব তাক দেখুৱাই কিনে পিন্ধি থাকিবি আৰু অলপ তেল লৈ আহ, তেলটো জাৰি দিম, পৰিকচা দিনা ঘঁহি যাবি ৷

::পেলেকে বোলে বাবা ,তেল তাবিজ নালাগে,
তাবিজ বহুত পিন্ধিলো, আপুনি সৰবজান বাবা, আপুনি মোকপৰীক্ষাত কি কি প্ৰশ্ন আহিব দুটা মান কপাল চাই কৈ দিয়ক ।

::বাবাৰ এইবাৰ চকু কপালত উঠিল ।বাটচা এইটো কহিব নোৱাৰি, তই তাবিজ পিন্ধ পাচ হই যাবি, আৰু তোৰ কাগজ কলম আন বাবাই জাৰি দিব পাচ হৈ যাবি ৷ বাবাৰ আচিৰবাদ আছে ।

::পেলেকে বোলে বাবা আচিৰবাদো নালাগে কলম জাৰি দিবও নালাগে আপুনি পাৰিব মই জানো, কপালত নোৱাৰিলে নখ বাচনি কৰি হলেও মই কোন খন পেপাৰত কিমান নম্বৰ পাম দেখুৱাই দিয়ক । মুঠতে মোক এতিয়াই পাচ কৰাই দিয়ক ৷ মই ৰিজাল্ট লৈ হে আপোনাৰ লেঙুটি এৰিম ।

::বাবাই বোলে, তই কিয় চমঝা নাই এইটো  নোৱাৰি হ’, এইটো পচিব'ল নাই আছে ৷

::পেলেকে বোলে আপুনি সৰবজান বাবা, মই  জানো আপুনি পাৰিব । আপুনি মোক পাচ
কৰাই দিবই লাগিব । আপুনি পাচ কৰাই দিলেহে মই পৰীক্ষা দিম ।ন’হলে মইআপোনাৰ লেঙুটি নেৰো।

::বাবাই বোলে, তই চমঝা নাই

::পেলেকে বোলে নাই বাবা মোক আপুনি মই কোনকেইখন ডিষ্ট্রিকত এপ্লাই কৰিলে চাকৰি পাম আপুনি ক’বই লাগিব।

::বাবা প্ৰায় বেহুচ হওঁ হওঁ ।

ইফালে পেলেকেও লেঙুটি নেৰে সি বোলে নাই  বাবা মই জানো আপুনি পাৰিব মোক আপুনি এপইন্টমেন্ট লেটাৰখন নখ বাচনি কৰি দেখুৱাই দিলেহে যাব দিম।

::বাবাই গ’ম পালে যে ই বেটাই আজি মোক  নেৰিছে ৷ শেষত উপায় নাপাই বাবাই বোলে বাটচা মোৰ লেঙুটি এৰ, এনেই ডায়েবেটিচ থকা মানুচ আছো ভাই , টেনচন নিদিবি, চিৰিক কৈ লিক
হৈ যাব ।

::পেলেকে বোলে নাই বাবা আপুনি একো ক’ব নোৱাৰিলেও এল পিত কিমান পাৰচেন্টেজ লৈকে নামিব তাকে কই যাওঁক ।

কথা বিষম দেখি বাবাই লেঙুটি পেলেকৰ হাততে
এৰি পিছলৈ নাচাই দৌৰ দিলে

দেৱজিৎ শইকীয়া
২৯,৮,২০১৭