ল' ৰালী

সুমধুৰ কি সেই দিন আছিল
আইৰ কোলা পিতাইৰ বোকোচা ৷
মাটি বালিৰে ঘৰ সজা
লুকা ভাকু
কইনা দৰা ৷
আকৈ বাকৈ
আইচ বাইছ
,,,,,,,ধপ্পা ৷
অলং দলং কৰিছে ৰজা ৰানী আহিছে ৷
ৰঙা নীলা চিলা
বাহ বাহ
বৰলৰ টোপ, নলৰ পুঙা
লাগ বুলিলেই খুচুৰা পইচাৰ বাহৰ চুঙা ৷
ক'ত গল মোৰ ৰঙা জীঞা
বটলত ভৰাই থোৱা জোনাকী পৰুৱা ৷
সাচতীয়া বিৰিং গুটি
বেগত ভৰাই বাটলুগুটি
আম জাম লিচুলৈ ফৰমুটি ৷
কাবাদি কাবাদি কাবাদি কাবাদি
ৰুমাল চুৰি
ঘৰিয়াল পানি
উথা বহা
চকু বান্ধী টেকেলী ভাঙা ৷
বল আমাৰ ৰাবাব টেঙা ৷
আজি মাথো সোঁৱৰণী
জীৱনৰ আলিত পাক এটা মাৰি ঘুৰি যাব পৰা হলে
উভতি গৈ আকোঁৱালী ললো হয় ল'ৰালী ৷ ৷ ৷ ৷ ৷