বিবাদ মুণ্ডন আৰু অমুণ্ডন

পিতৃ মাতৃৰ বিয়োগত এক শৰন নাম ধৰ্মত শৰন লোৱা ভকত সকলে কিয় চুলি নুখুৰাই? এই প্ৰশ্ন বহুতে কৰা দেখিছো কিন্তু শাস্ত্ৰ সম্বলিত প্ৰকৃত উত্তৰ বহুতেই হয়তো নাজনে বা জনাৰ ইচ্ছা প্ৰকাশ নকৰে ৷ যি সকল ব্যক্তিৰ জনাৰ ইচ্ছা প্ৰকাশ কৰে তেঁওলোকৰ ববে এই লেখ প্ৰস্তুত কৰিলো৷ ইচ্ছুক জনে পঢ়ি চাব পাৰে আৰু ইয়াত যি যুক্তি দাঙি ধৰিছো বিজ্ঞজনক সুধি সঁচা মিছা প্ৰতিপন্ন কৰি লব পাৰে ৷
এতিয়া আহো পিতৃ-মাতৃৰ বিয়োগত কোনে মুণ্ডন কৰিব কোনে নকৰিব ৷ কৰ্মকাণ্ডৰ বিধিৰ কিছু মন্ত্ৰ উদ্ধৃতি দি কৰনীয় নে অকৰনীয় বিবেচনাৰ বাবে ডাঙি ধৰিলো ৷
মৰাশ চিতাত তুলি দি গোৱা মন্ত্ৰ
ওঁ কৃতাতু দুস্কৃতং কৰ্ম জানাতা ব্যাপ্য জানাতা ৷
মৃত্যু কালবসং পাপ্য নৰং পঞ্চত মাগতং ৷৷
ধৰ্ম ধৰ্ম শমাযুক্ত লোভ মোহ সমাবৃতং ৷
দাহয়ে সৰ্ব গাত্ৰানি দিব্যান লোকান সগচ্ছতু ৷৷
যশাত্তম জাতোহশি ওদয় জায়তা পুনঃ ৷
ধুমো অশৌ স্বৰ্গয়ে লোকান স্বাহা ৷৷
অৰ্থাৎ:
জন্মা বিধি জানি বা নাজানি কৰা কৰ্ম ধৰ্ম অধৰ্ম লোভ মোহৰ শৰীৰটো পুৰি পেলোৱা হৈছে ৷ দেহৰ লোভ মোহ এৰিব নোৱাৰা জীৱ দেহটো পুৰি পেলোৱা কাৰনে ধোৱাৰ লগত স্বৰ্গলোকলৈ যোৱাগৈ আৰু যদি কেতিয়াবা আহিব খোজা মোতকৈ উত্তম হৈ জন্ম ধৰিবাহি ৷
ইয়াত জীৱদেহটো পুৰি পেলোৱা হৈছে মানে জীৱিত মানুহ পোৰা হৈছে আৰু জীৱৰ স্বৰ্গলৈ পথোৱা হৈছে তথা পুনৰ আহিলে ক্ৰিয়াধাৰিতকৈ উত্তম জন্ম লাভ কৰিলেহে আহিব পৰা কথা কোৱা হৈছে ৷
উদক ক্ৰিয়া বা তপতে তপতে দিয়া মন্ত্ৰ
ওঁ ক্ৰিয়া বিণাৰ্যায়ে জানানোজ্য ব্ৰাক্ষ্মানানা পুচ্ছেৎ
অৰ্থ:
কৰ্মত বিপৰ্য্যয় ঘটোৱা হৈছে পুৰুহিতে লাহেকৈ সুধিব ৷
দোৰোলা বা খোল এটাত পানীলৈ পুৰুহিতে কব
ওঁ নমঃ উদকং কৰিষ্ম্যাহে
অৰ্থ: তুমি পানী লাহেকৈ লৰাই দিছানে?
ক্ৰিয়াধাৰিয়ে কব: কুৰু স্বেতি ব্ৰাক্ষ্মণ ব্ৰজ
অৰ্থাৎ: লৰাই দিলো ৷
পুৰুহিতে কব: কুৰু ধংস চৈবং পুৰ্ণৰুপ্য সদ্বৰ্ষে প্ৰেতভাতা
অৰ্থ: পানী আলোড়ন কৰি দিলা যেতিয়া মৃতক এশ বছৰলৈ প্ৰেত হল ৷ অৰ্থাৎ নৰকত পৰিল এতিয়া পিণ্ড দি থাকিবা ৷
এতিয়া চাওক কৰ্মত বিপৰ্য্যয় ঘটাই মন্ত্ৰৰ দ্বাৰা চিতাত তোলাৰ সময়ত স্বৰ্গত পথোৱা জীৱক প্ৰেত সজাই নৰকক ৰখা হল পিণ্ড খাবৰ বাবে ৷ মৃতক যদি ভাল কৰ্মফলৰ বাবে শৰতত পৰা নাছিলো পুতেক হতে দশ পিণ্ডৰ বাবে নৰকত স্থান দিলে ৷ গতিকে পিতৃমাতৃক নৰকত স্থান দিয়া তেনে পুত্ৰক সচাকৈয়ে মুণ্ডন কৰাব লাগে ৷
এই খিনিতে দহখন নৰকৰ নামো কৈ থও: ৰৌ ৰৌ নৰক, যোনিপুংস, মহাৰৌ ৰৌ, তামিশ্ৰ, মহা তামিশ্ৰ, সম্ভ্ৰম অমেধাকৃৰ্মিপুৰ্ণ, গুভক্ষন, স্বমাংস ভক্ষন আৰু কুম্ভিপাক ৷
মৃত পিতৃমাতৃক পুৰুহিতৰ মন্ত্ৰৰ দ্বাৰা কোনখন নৰকত স্থান দিলে চাও আহক:
" কুম্ভিপাক নাম নৰকোৰ্ত্তাৰনায় তৃপ্ত অক্ষুৎ পিপাসানিস্পত্তাথং দশম দিন নিমিত্তকং পুৰক পিণ্ডদানংমহং কৰিষৎ"
অৰ্থাৎ:
দশম দিনা কুম্ভিপাক নামৰ নৰকৰ পৰা তুলিবলৈ আৰু তৃপ্তি ভোক পিয়াহ আদি পুৰ্ণ হবলৈ দশম দিনত দিব লগিয়া দশম পিণ্ডটো দিছো ৷
আকৌ পিণ্ড বিধি প্ৰথাত ভূত প্ৰেত কাউৰি কুকুৰৰো দৰকাৰ ৷ বিস্বাস হোৱা নাই যদি তলৰ মন্ত্ৰ কেইফাঁকি চাও আহক:
প্ৰথম দিৱসীয় পিণ্ডদান সময়ে পিণ্ডদানাৎ প্ৰাকথম সং কথনাৰ্থং কাকেভ্যো বলিৰং নমঃ কৃতাঞ্জলিঃ যমদুতোৎসি বায়সোৎসি মহাত্ননঃ অএপিণ্ডং ময়া দত্তং কথ্যাতং যমৰাজতঃ
অৰ্থাৎ:
প্ৰথম দিনৰ পিণ্ডদানৰ আগতে মৃতকক খবৰ দিবলৈ কাউৰীক স্তুতি কৰিব লাগে, ,,,,,,
তাৰ পিছত কাউৰীক ৰক্ষা কৰি নিবৰ বাবে কুকুৰৰ পূজা:
পিণ্ডদানাৎ প্ৰাক পথিৰক্ষাণৰ্থ শ্বাভ্যা ( কুকুৰ) বলিৰয়ং নমঃ ৷
কৃতাঞ্জলি পাঠেৎ - ওঁ দ্বৌ শ্বানৌ শ্বেত সৱলৌ বৈৱস্বতুক লোদ্ভবৌ তাভ্যাং পিণ্ডং প্ৰযচ্ছামি ৰক্ষেথাঃ প্ৰেতকং পথি শ্বাভ্যাং বলিৰয়ং নমঃ এৱমহৰহুঃ
অৰ্থাৎ:
প্ৰথম দিনা পিণ্ড দিয়াৰ আগতে বাট়ত ৰক্ষা কৰি প্ৰেতক ( মানে মৃত পিতৃমাতৃক) যমৰ ওচৰলৈ নিবৰ কাৰনে শ্ৰেত আৰু সৱল নামৰ কুকুৰ দুটাক পূজা কৰি লৈ কুকুৰৰ কাৰনে আগবঢ়োৱা বস্তুখিনি সেৱা জনাব পিছত কৃতাঞ্জলী কৰি কুকুৰক পিণ্ড খাবলৈ দিব লাগিব ৷৷ ( মৃতকৰ বাবে পিণ্ড তাৰমানে কুকুৰে খালে,,,,, হায় সংস্কৃত মন্ত্ৰৰ অৰ্থ নজনা বা জানিব নুখোজা শিক্ষিত সমাজ)
এই মন্ত্ৰ সমুহ সঁচা নে মিছা তথা ইয়াৰ অৰ্থ সঁচাকৈয়ে ওপৰত উল্লেখিত ধৰনে হয় নে নহয়, বিজ্ঞ মৃতকৰ পিণ্ডদানকৰা পুৰুহিতক সুধি সত্যতা প্ৰতিপন্ন কৰি লব পাৰে ৷
ক্ৰমশ ( পিছৰ পৰ্য্যায়ত মুণ্ডন কিয় কৰে তাৰ বাখ্যা আগবঢ়াম)
বিতুপন দত্তৰ প্ৰশ্নৰ আঁত ধৰি আৰু জানিবলৈ ইচ্ছুক ভাস্বতি ভূঞা তথা মোৰ সহকৰ্মি গণিত বিজ্ঞান বিভাগৰ ডঃ বিদ্যুত বৰুৱাৰ হাতত এই লেখ তুলি ধৰিলে ৷
( তথ্য সংগৃহিত আৰু প্ৰমাণিত)
 Bitupon Dutta
মোৰ কেইটামান প্রশ্ন আছে।শ্রদ্ধাৰ দেৱজিত দাৰ পৰা উত্তৰ আশা কৰিলোঁ।
১।পঞ্চ মহাপাপ কি কি?এই পাপৰ পৰা মুক্তি পোৱাৰ উপায় কি? ২।একশৰণীয়া ভকতে কর্মকাণ্ড কৰা উচিত নে অনুচিত?
৩।পিতৃ মাতৃৰ বিয়োগত পুত্রই মুণ্ডন কৰাৰ যুক্তি যুক্ততা আছেনে?
  
প্ৰশ্ন কেইটাৰ প্ৰাসংগিকতা আছে কাৰন এই প্ৰশ্নকেইটাৰ উত্তৰ বিছাৰি একালত মইও হাবাথুৰি খাইছিলো ৷ মোৰ সম্যক জ্ঞানৰে যি জানিলো বা বুজিলো তাকেই উত্তৰ হিচাপে দিবলৈ যত্ন কৰিম ৷ প্ৰথমেই কওঁ এই উত্তৰ কেইটা মোক প্ৰশ্ন সোধা বাবেহে দিছো, কোনো ব্যক্তিৰ নিজস্ব ধৰ্ম বা পৰম্পৰাক আঘাত দিবৰ বাবে নহয়৷ তথা শাস্ত্ৰ সন্মত বিতৰ্ক গ্ৰহন কৰিম ৷

১/ হিন্দু শাস্ত্ৰ মতে পঞ্চ মহাপাপ হল ব্ৰক্ষ্ম বধ, গো বধ, সুবৰ্ণ হৰন, অগম্য গমন আৰু পৰস্ত্ৰী হৰন ৷ এই পঞ্চ মহা পাপত পাতকীক মুণ্ডন কৰি যথাচিত নিয়ম মতে প্ৰায়চিত্ত কৰা হয় ৷ ই পাপ খন্ডনৰ প্ৰথম পৰ্য্যায় ৷হে মাথোন ৷
গুৰু জনাইও বৈকুন্ঠৰ শাস্ত্ৰ শ্ৰীমদ্ভাগৱত শাস্ত্ৰ মন্থন কৰি লিখিছে
ব্ৰক্ষ্ম বধ, পিতৃ বধ সুৰাপান
অগম্য গমন কৰে ৷
গৰু তিৰী মাৰে সুৱৰ্নক হৰে
মিত্ৰৰ দ্ৰোহ আঁচৰে
সংসাৰত য়ত আনে অসংখ্যাত
আছে মহা পাপী গন
সবাৰো এহিসে মুখ্য প্ৰায়শ্চিত
হৰিৰ নাম কীৰ্তন ৷ ৷ ৷
 ২/ এক শৰনৰ অৰ্থ হল এক দেউ এক সেউ এক বিনে নাই কেউ ৷ অৰ্থাত এক ইশ্বৰত শৰন লোৱা ৷ শ্ৰীমদ্ভাগৱত গীতাত স্ৰয়ং শ্ৰীকৃষ্ণই অৰ্জুনক কৈছে
মণ্মনা ভৱ মদ্ভক্তো মদযাজী মাং নমস্কুৰু
মামেবৈষ্যসি সত্যং তে প্ৰতিজানে প্ৰিয়োহসি মে ৷

সৰ্বধৰ্ম্মান পৰিত্যজ্য মামেকং শৰনং ব্ৰজ
অহং ত্বাং সৰ্বপাপেভ্যো মোক্ষয়িষ্যামি মা শুচঃ (১৮ নং অধ্যায় ৬৪ নং শ্লোক)
অৰ্থাত
তুমি একমাত্ৰ মোতেই চিত্ত ৰাখা, মোৰ ভক্ত হোৱা, মোৰ পূজা কৰা, মোকেই নমস্কাৰ কৰা, মই সত্য প্ৰতিজ্ঞাৰে কৈছো তুমি মোকেই পাবা, কিয়নো তুমি মোৰ প্ৰিয় ৷
সকলো ধৰ্ম পৰিত্যাগ কৰি তুমি এক মাত্ৰ মোৰেই শৰণ লোৱা ৷ মই তোমাক সকলো পাপৰ পৰা
মুক্ত কৰিম ৷ শোক নকৰিবা
ইয়াৰ পিছতো যদি কৰ্মকান্ড কৰে তেওক কি কম?
 ৩/ পিতৃ মাতৃৰ মৃত্যুত মুন্ডন কৰাত যুক্তি দিবলৈ মই পঢ়া বৰ্তমানলৈকে কোনো শাস্ত্ৰত পোৱা নাই ৷ যদি কিয় মুন্ডন কৰা হয় বা কিয় কৰিব নালাগে বুলি সুধিলাহেতেন উত্তৰ নিশ্চয় দিলো হয় ৷