চিগেৰেট টো জ্বলাই ললো ৷ চিগেৰেটৰ কুন্ডলী পকোৱা ধোঁৱাৰ মাজত প্ৰায়ে
মই বিচাৰি পাও  জীৱনৰ বিবৰ্নময সময়সতেজ মাদকতা ৷ সেয়ে সি মোৰ প্ৰিয় সংগী ৷ যাৰ
মৰমৰ অত্যাচাৰত এদিন চিগেৰেট এৰিছিলো তেঁৱেই এদিন মোক এৰি গুছি
গল জীৱনৰ পৰা, সেইদিনা তেঁওৰ শপত ভাঙি পুনৰ ওঠত তুলি লৈছিলোঁ চিগেৰেট
এটা ৷ খংত ক্ষোভত ৷ হোষ্টেললৈ প্ৰথম অহাৰ দিনাই জীৱনত প্ৰথমবাৰৰ বাবে
অনিশ্চাস্বত্বেও ৰেগিং নামৰ অখাদ্যৰ লগত চিগেৰেট সেৱন কৰিব লগিয়া হৈছিল ৷
অন্তঃদন্দত ভুগিছিলো, কান্দিছিলো ৷ এতিয়া ভাবিলে হাঁহি উথে ৷ হোষ্টেলৰ পৰা
প্ৰথমবাৰ মাঘৰ বিহুত ঘৰলৈ যাওতে লগৰ বিদ্যুত আৰু জীৱন হঁতলৈ এপেকেট
চিগেৰেট কিনি নিছিলো ৷ বিহুঘৰৰ পিছফালে ডিম্বেশ্বৰ কাইটি হঁতৰ বাঁহৰ তলত
লুকাই গোটেই কেইটাই তৃপ্তিৰে ধোঁৱা উৰাইছিলো ৷ পিছলৈ মই গলেই সিহতে
সোধে দলংৰ খুটা আনিছোনে? আনিছো বুলি কলেই কই সন্ধীয়া গজাল অৰ্থাৎ
জুইশলাই লৈ গৈ আছো, দিব্যহঁতৰ দোকানৰ পিছফালে ৷ ঘৰৰ পৰা পথোৱা সামান্য
পইচা কেইটাৰে চিগেৰেট কিনি খাবলৈ নুজুৰে আৰু বিবেকে বাধা দিয়ে ৷ দুটামান
টিউচন গোটাই লৈছিলোঁ পকেট খৰচৰ বাবে ৷ পুহমহীয়া টিউচন কৰি ৰাতি
নিযৰত তিতি পাতল হাফ চুৱেটাৰটো পিন্ধি কপি কপি যেতিয়া আহো গাটো গৰম
কৰিবলৈ চিগেৰেট এটা জ্বলাই
লও ৷